ابوظبی : اماراتی حکام نے کچرا پھیکنے اور دیگر ماحولیاتی خلاف ورزیاں کرنے پر بھاری جرمانہ عائد کرنے کا اعلان کردیا۔
تفصیلات کے مطابق متحدہ عرب امارات کی ریاست راس الخیمہ کی جانب سے اعلان کیا گیا ہے کہ سڑکوں اور عوامی مقامات پر کچرا پھیکنے پر جرمانہ عائد کرنے کا اعلان کردیا۔
اماراتی حکام کا کہنا تھا کہ قوانین کی زیادہ تر خلاف ورزیاں سیاحتی اور قدرتی مقامات پر ہوتی ہیں جیسے ساحلی مقامات اور پارکس وغیرہ۔۔۔۔
مقامی میڈیا کا کہنا ہے کہ گزشتہ سال حکام کی جانبس ے ماحولیاتی قوانین کی خلاف ورزی کرنے پر 13ہزار افراد پر 500، 500 درہم جرمانہ عائد کیا گیا تھا۔
راس الخیمہ حکومت کے ترجمان کا کہنا تھا کہ سیاحوں کی بڑی تعداد اب امارات کا رخ کررہی ہے، لیکن سیاحت کی غرض سے آنے والے کچھ لوگ اپنے پیچھے کچرا چھوڑ جاتے ہیں۔
دستاویزات کے مطابق 1977 افراد ایسے افراد کو پکڑا گیا تھا جنہوں نے بار بی کیو بنانے کے بعد کوئلے مٹی میں ہی چھوڑ دئیے تھے۔
