وینکوور : سکھ فارجسٹس کے زیر اہتمام کینیڈا کے شہر وینکوورمیں خالصتان کے قیام کے لئے ریفرنڈم میں سکھوں نے ایک لاکھ تیس ہزار ووٹ کاسٹ کرکے ریکارڈ قائم کردیا۔
تفصیلات کے مطابق سکھ فارجسٹس کے زیر اہتمام کینیڈا کے شہر وینکوورمیں گرو نانک سکھ گوردوارہ میں خالصتان کے قیام کیلئے ریفرنڈم کا انعقاد کیا گیا۔
ریفرنڈم کے لئے پرامن ماحول میں ووٹنگ کا آغاز ہوگیا ، پولنگ کاآغاز ہردیپ سنگ نجرکی والدہ اور والد نے ووٹ ڈال کرکیا
کھ فارجسٹس کے زیراہتمام کینیڈا میں خالصتان کے قیام کیلئے ریفرنڈم۔۔ ایک لاکھ تیس ہزار سکھوں نے ووٹ کاسٹ کرکے ریکارڈ قائم کردیا۔۔۔ پولنگ کا آغاز ہردیپ سنگ نجر کی والدہ اور والد نے ووٹ ڈال کر کیا۔
ووٹنگ سینٹر کی فضا خالصتان لے کر رہیں گے، دہلی بنے کا خالصتان کے نعروں سےگونجتی رہی ، ووٹنگ کا وقت شروع ہونے سے قبل ہی ووٹ ڈالنے کے لئے طویل قطاریں لگ گئیں تھیں۔
ہزاروں سکھ ، خواتین اور بوڑھے افراد ووٹ ڈلنے کے لئے موجود تھے، ووٹ ڈالنے والے سکھ کمیونٹی نے اظہارخیال کرتے ہوئے کہا کہ بھارت کچھ بھی کرلےسکھوں کی تحریک کوروک نہیں سکتا، نریندرمودی مسلمانوں، سکھوں اور دیگراقلیتوں کادشمن ہے۔
سکھ کمیونٹی کا کہنا تھا کہ بھارت سےجنگ نہیں بلکہ جمہوری عمل کےذریعےآزادی لیناچاہتےہیں، بھارت سکھ کمیونٹی کوخالصتان کی آزادی کےحصول سے کبھی نہیں روک سکتا ، کینیڈا حکومت نے بھارتی مطالبے کے باوجود ریفرنڈم کی اجازت دےکرحق کا ساتھ دیا ہے۔
صدر کونسل آف خالصتان ڈاکٹر بخشیش سنگ سندھو نے بیان میں کہا کہ ریفرنڈم اسی جگہ ہو رہا ہے جہاں بھارت نےہردیپ سنگھ نجھرکوقتل کرایا، ہردیپ سنگھ کے قتل میں بھارت ملوث ہے، لاکھوں کی تعداد میں کینیڈین سکھ آزاد خالصتان کیلئے ووٹ دینگے۔
ڈاکٹر بخشیش سنگ سندھو کا کہنا تھا کہ کینیڈین وزیراعظم نےبھی واضح کہا بھارت کینیڈاکےمعاملات میں مداخلت کررہاہے، ہم بھارت کے بھیانک چہرے کو دنیا کے سامنے لانےپر جسٹن ٹروڈو کے شکر گزار ہیں۔
یاد رہے خیال رہے ہردیپ سنگھ نجر کو جون میں خالصتان کی تحریک سرگرمی سےچلانےپرقتل کردیاگیا تھا، سکھ فار جسٹس کی قیادت کے مطابق قتل میں بھارت ملوث ہے۔
خیال رہے کینیڈا میں تقریبا ساڑھے 7لاکھ سے زائد سکھ آباد ہیں، یہ تعداد بھارت کے بعد کسی ملک میں رہنے والے سکھوں کی سب سے بڑی تعداد ہے ، خالصتان کے حامیوں کے مطابق کینیڈا میں سکھوں کی تعداد10 لاکھ سے بھی زائد ہے۔
اس سے قبل خالصتان کےقیام کیلئےدنیا بھر میں آبادسکھوں کی رائےجاننےکیلئےریفرنڈم کاآغاز2021میں لندن سےہواتھا، لندن میں اکتوبر2021میں پہلے ریفرنڈم میں 30 ہزار سے زائد سکھوں نے شرکت کرکے ووٹ ڈالا تھا۔
سکھ فار جسٹس کے زیراہتمام دنیا کے دو درجن سے زائد شہروں میں ریفرنڈم کاانعقاد ہوچکا ہے جبکہ برطانیہ کے 5شہروں ،پیرس، اٹلی، سوئٹزرلینڈ سمیت کینیڈا ،آسٹریلیا کے 3،3شہروں میں بھی ریفرنڈم ہوا تھا۔
ریفرنڈم کے ذریعے سکھ، بھارت سے آزادی لیکر اپنا علیحدہ وطن خالصتان حاصل کرنا چاہتے ہیں۔
