تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

متحدہ عرب امارات، 400 سے زائد اساتذہ نے استعفیٰ دے دیا

دبئی: متحدہ عرب امارات میں 425 اساتذہ اور دیگر انتظامی اسٹاف نے استعفیٰ دے دیا جن میں مقامی اور غیرملکی مرد و خواتین شامل ہیں۔

خلیج ٹائمز کی رپورٹ کے مطابق متحدہ عرب امارات کی وزارت تعلیم نے 425 اساتذہ اور دیگر انتظامی اسٹاف کے استعفے منظور کرلیے، رواں سال گزشتہ سال کی نسبت کم لوگوں نے درس و تدریس سے کنارہ کشی اختیار کی ہے۔

وزارت تعلیم کے مطابق ہر سال سیکڑوں اساتذہ اپنی سروس کے اختتام پر یا گھریلو مجبوریوں کی بنا پر ملازمت چھوڑ دیتے ہیں، رواں سال 425 اساتذہ نے ملازمت سے استعفے دئیے جن میں غیرملکی افراد کی تعداد 177 ہے جبکہ اماراتی افراد کی تعداد 248 ہے۔

وزارت تعلیم کے مطابق ملازمت کی مدت ختم ہونے یا دیگر وجوہات کی بنا پر تدریس کا پیشہ چھوڑنے والوں میں اساتذہ کے علاوہ دیگر انتظامی عملہ بھی شامل ہے۔

رپورٹ کے مطابق غیرملکی اور مقامی افراد پر مشتمل جن اساتذہ نے استعفے دئیے ہیں انہوں نے کچھ عرصہ قبل استعفے جمع کرائے تھے جو وزارت تعلیم کی جانب سے منظور کرلیے گئے ہیں۔

وزارت تعلیم کے مطابق تمام اساتذہ کی ملازمت کی ذمہ داریاں اسی وقت ختم ہوں گی، جب رواں تعلیمی سال کا اختتام ہوگا تاکہ طلبا کی پڑھائی کا عمل متاثر نہ ہو۔

واضح رہے کہ 2017-18 کے تعلیمی سال کے دوران وزارت تعلیم کی جانب سے جاری کردہ اعدادو شمار کے مطابق متحدہ عرب امارات میں سرکاری اور نجی اسکولوں میں اساتذہ کی تعداد 70.016 ہے۔

Comments

- Advertisement -