The news is by your side.

Advertisement

بھارتی فوج کی تحویل میں موجود 8 ہزارافراد لاپتہ، کشمیر میڈیا سروس

سری نگر: کشمیر میڈیا سروس کی جاری کردہ رپورٹ کے مطابق 8 ہزار کشمیری بھارتی فوج کی حراست کے دوران لاپتہ ہوئے۔

تفصیلات کے مطابق مقبوضہ کشمیر میں نافذ کرفیو اور لاک ڈاؤن 27ویں روز میں داخل ہوگیا، مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیر میڈیا سروس نے بھارتی فوج کی حراست سے لاپتہ کشمیریوں پر رپورٹ جاری کی ہے جس کے مطابق 8 ہزار کشمیری بھارتی فورسز کی حراست کے دوران لاپتہ ہوئے۔

رپورٹ میں بتایا گیا ہے کہ گمشدہ افراد کے اہل خانہ کو اپنے پیاروں سے متعلق کوئی معلومات نہیں دی گئیں جبکہ مقبوضہ وادی میں ہزاروں گمنام قبریں دریافت ہوئی ہیں، گمنام قبریں بھارتی فورسز سے لاپتہ ہونے والوں کی ہوسکتیں ہیں۔

کشمیرمیڈیا سروس کے مطابق بھارتی فوج بلا وجہ کشمیری نوجوانوں کو گھروں سے اٹھا رہی ہے۔

مقبوضہ کشمیرمیں 27ویں روز بھی کرفیو

یاد رہے کہ پانچ اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔

راجیہ سبھا میں بل کے حق میں 125 جبکہ مخالفت میں 61 ووٹ آئے تھے، بھارت نے 6 اگست کو لوک سبھا سے بھی دونوں بل بھاری اکثریت کے ساتھ منظور کرالیے تھے۔

Comments

comments

یہ بھی پڑھیں