کراچی : گڈز ٹرانسپورٹ اونرز ایسوسی ایشن کے رہنماؤں نے کہا ہے کہ ایکسل لوڈ لمٹ کے نفاذ کا فیصلہ معیشت کی بحالی کے لئے خوش آئند ہے۔
یہ بات انہوں نے کراچی میں پریس کانفرنس کرتے ہوئے کہی، گڈز ٹرانسپورٹ اونرز ایسوسی ایشن کے جنرل سیکریٹری اویس چوہدری نے کہا کہ اوورلوڈ کا خاتمہ پاکستانی معیشت کو ترقی کی نئی راہوں پر گامزن کر دے گا۔ اوورلوڈنگ کی وجہ سے ملکی معیشت کو ناقابلِ تلافی نقصان پہنچ رہا ہے۔
ان کاکہناتھا کہ اوورلوڈنگ ملکی شاہراہوں کی تباہی کے ساتھ ساتھ حادثات کا سبب بھی بنتی ہے۔ جس کی وجہ سے سالانہ ہزاروں بے گناہ افراد لقمہ اجل بن جاتے ہیں۔
رہنمائوں نے کہا کہ چند مفاد پرست صنعت کار ذاتی مفادات کے حصول کیلئے ایکسل لوڈ لمٹ کی مخالفت کرتے ہوئے حقائق کو توڑ مروڑ کر حکومت کو گمراہ کرنے کی کوشش کر رہے ہیں تاکہ اوورلوڈنگ کے ذریعے اپنے ذاتی مفادات کا تحفظ کر سکیں۔
