The news is by your side.

Advertisement

سعودی عرب: عمروں کی تعداد کے حوالے سے نیا حکم جاری

ریاض: بیرون ملک مقیم مسلمانوں کے عمرہ کی تکرار پر پابندی لگا دی گئی۔

تفصیلات کے مطابق سعودی وزارت حج و عمرہ نے کہا ہے کہ بیرون ملک سے آئے عازمین دورے کے دوران 3 بار عمرہ کر سکیں گے۔

سعودی حکام نے کہا ہے کہ عمرہ کی تکرار یا 10 دن کے وقفے سے کم عمرے پر پابندی لگانے کا حالیہ فیصلہ بیرون ملک مقیم مسلمانوں پر بھی لاگو ہوتا ہے، کیوں کہ مملکت کو کووِڈ 19 کے انفیکشنز میں اضافے کا سامنا ہے۔

سعودی عرب : عمرہ زائرین کیلئے خاص ہدایات جاری

سعودی وزارت حج و عمرہ کے مطابق عازمین 30 روز مملکت میں قیام کر سکتے ہیں، اور اس دوران 3 بار عمرہ کر سکیں گے، بیرون ملک سے آئے عازمین 10 دن وقفے سے عمرہ کر سکتے ہیں، اور 12 سال سے زائد عمر کے افراد عمرے کے لیے آ سکتے ہیں۔

سعودی اخبار عکاظ کی رپورٹ کے مطابق بیرون ملک سے آنے والے عازمین کو 30 دن قیام کے دوران کچھ شرائط پوری کرنی ہوں گی، آنے والے بیرون ملک مقیم مسلمانوں کی عمر 12 سال یا اس سے زیادہ ہونی چاہیے اور ہیلتھ ایپ توکلنا پر حفاظتی ٹیکوں کا اسٹیٹس دکھانا پڑے گا۔

Comments

یہ بھی پڑھیں