اسلام آباد : نگراں حکومت نے بیرون ملک مقیم پاکستانیوں کو ایک اور سہولت دینے کا فیصلہ کیا ہے جس کے تحت انہیں وطن عزیز میں پلاٹ اور جائیداد کی منتقلی میں آسانی میسر ہوگی۔
تفصیلات کے مطابق وزیراعظم کے معاون خصوصی جواد سہراب ملک نے کہا ہے کہ اسلام آباد میں اوورسیز پاکستانیوں کیلئے خصوصی سپورٹ ڈیسک قائم کی گئی ہے جس سے اوورسیز پاکستانیوں کو رہائشی پلاٹوں کی منتقلی، بلڈنگ پلانز کی منظوری سمیت دیگر سہولتیں فراہم کی جائیں گی۔
Pleased to announce the establishment of “Overseas Support Desks” in CDA & ICT offices as per directives of the PM @anwaar_kakar. Now, overseas Pakistanis can access all manner of CDA services including plot transfers, building plan approvals, completion certificates & annual… pic.twitter.com/52buEumat4
— Jawad Sohrab (@JawadSohrab) September 25, 2023
سماجی رابطے کی ویب سائٹ ایکس پر اپنے پیغام میں جواد سہراب نے کہا کہ اوورسیز پاکستانیوں کو رہائشی پلاٹوں کی منتقلی، بلڈنگ پلانز کی منظوری، سالانہ پراپرٹی ٹیکس اور سہ ماہی پانی اور متفرق چارجز کی ادائیگی سمیت دیگر سہولتیں فراہم کی جائیں گی۔
وزیراعظم کے معاونِ خصوصی برائے اوورسیز پاکستانیز جواد سہراب ملک کا کہنا ہے کہ سپورٹ ڈیسک اوورسیز پاکستانیز کو بین الاقوامی ڈرائیونگ پرمٹ، اسلحہ لائسنس اور ڈومیسائل کے اجراء کی سہولت فراہم کرے گا۔
