لندن : تحریک انصاف نے اوورسیز پاکستانیوں کے بڑے کنونشن کیلئے رابطہ مہم شروع کردی، رہنما زلفی بخاری برطانیہ کے کارکنان کو متحرک کرنے کیلئے لندن پہنچ گئے۔
تفصیلات کے مطابق تحریک انصاف کی ملک میں اوورسیز پاکستانیوں کے پاور شو کی تیاریاں جاری ہے اور مارچ میں اوورسیز کے بڑے کنونشن کیلئے رابطہ مہم شروع کردی ہے۔
اس سلسلے میں پی ٹی آئی رہنما زلفی بخاری برطانیہ کے کارکنان کو متحرک کرنے کیلئے لندن پہنچ گئے اور لندن میں ان ڈور جلسہ کیا ، جلسے میں برطانیہ میں مقیم پاکستانیوں کی بڑی تعداد نے شرکت کی۔
زلفی بخاری نے لندن میں پی ٹی آئی کے جلسے سے خطاب کرتے ہوئے کہا اوورسیز پاکستانیوں کو ملکی تاریخ میں پہلی بار ووٹنگ کا حق ملا اور تحریک انصاف نے اپنے منشور میں لکھا گیا وعدہ پورا کر دیا۔
رہنما پی ٹی آئی کا کہنا تھا کہ اوورسیزپاکستانیوں کوملکی فیصلہ سازی میں شامل کرنے جارہے ہیں، ہراوورسیزپاکستانی ووٹنگ کی رجسٹریشن کےعمل کو یقینی بنائے۔
