The news is by your side.

Advertisement

ماہ جولائی : بیرون ملک مقیم پاکستانیوں نے2 ارب ڈالر کی ترسیلات بھیجیں

اسلام آباد : رواں مالی سال 2019ءکے ماہ جولائی کے دوران بیرون ملک مقیم پاکستانیوں نے2 ارب ڈالر کی ترسیلات بھیجیں۔ سب سے زیادہ ترسیلات سعودی عرب میں مقیم پاکستانیوں نے بھیجیں۔ 

تفصیلات کے مطابق ترجمان اسٹیٹ بینک نے کہا ہے کہ جولائی2019میں بیرون ملک مقیم پاکستانیوں نےدو ارب ڈالر ترسیلات بھیجیں۔

اس حوالے سے جولائی2019میں گزشتہ سال کی نسبت5کروڑ ڈالراضافی آئے، ترجمان اسٹیٹ بینک کے مطابق جولائی 2019میں سعودی عرب سے47 کروڑ ڈالرترسیلات آئیں،

متحدہ عرب امارات سے42.70 کروڑ ڈالر، امریکا سے33کروڑ ڈالر،برطانیہ سے29کروڑ ڈالر ترسیلات زر موصول ہوئیں۔

ترجمان کا مزید کہنا ہے کہ بحرین، کویت، قطر اور عمان سے19کروڑ ڈالر ترسیلات زر آئیں، یورپی یونین کے ممالک سے5.83کروڑ ڈالر پاکستان بھجوائے گئے۔

Comments

comments

یہ بھی پڑھیں