لندن: آکسفورڈ یونیورسٹی کے نئے چانسلر کا انتخاب کرلیا گیا، لارڈ ہیگ آف رچمنڈ آکسفورڈ یونیورسٹی کے نئے چانسلر منتخب ہوگئے۔
غیر ملکی ذرائع ابلاغ کے مطابق لارڈ ولیم ہیگ آئندہ برس کے آغاز میں 10 برس کے لیے چانسلرکا عہدہ سنبھالیں گے۔
لارڈولیم آکسفورڈ یونیورسٹی کی 800 سالہ تاریخ میں 160 ویں چانسلر منتخب ہوئے ہیں، لارڈ ولیم ہیگ کنزرویٹو پارٹی کے لیڈر کے عہدے پر بھی فائزرہ چکے ہیں۔
واضح رہے کہ بانی پی ٹی آئی نے بھی آکسفورڈ یونیورسٹی کی چانسلر شپ کے لیے کاغذات جمع کروائے تھے، تاہم یونیورسٹی کی جانب سے جاری ہونے والی حتمی فہرست میں ان کا نام شامل نہیں تھا۔
اس سے قبل پاکستانی طالب علم احمد نواز نے لندن کی آکسفورڈ یونیورسٹی یونین کی بحیثیت صدر ذمہ داریاں سنبھال لیں ہیں۔
تفصیلات کے مطابق سانحہ آرمی پبلک اسکول میں زخمی ہونے عوالے طالب علم احمد نواز آکسفورڈ یونیورسٹی کی تاریخ میں یہ عہدہ سنبھالنے والے بینظیر بھٹو کے بعد دوسرے پاکستانی بن گئے ہیں۔
ذمہ داری سنبھالنے کے موقع پر گفتگو کرتے ہوئے احمد نواز کا کہنا تھا کہ اس پلیٹ فارم سے دبے ہوئے طبقات کی آواز بنوں گا، احمد نواز لیڈی مارگریٹ ہال کالج میں سیاسیات کے طالبعلم ہیں۔
ٹرمپ نے کیتھ کیلوگ کو روس اور یوکرین کیلئے مندوب مقرر کردیا
خیال رہے کہ احمد نواز آرمی پبلک اسکول دہشت گرد حملے میں زخمی ہوئے تھے جبکہ ان کے بھائی شہید ہوگئے تھے۔
