اسلام آباد :وزیراعظم شہبازشریف کی خصوصی ہدایت پر رمضان میں مفت آٹے کی فراہمی کا پیکج تیار کرلیا گیا ، غریب لوگوں کو مفت آٹا فراہم کیا جائے گا۔
تفصیلات کے مطابق وزیراعظم شہباز شریف کی زیرصدارت پنجاب میں رمضان پیکج کےتحت مفت آٹے کی فراہمی کاجائزہ اجلاس ہوا۔
وزیر اعظم شہباز شریف کا عوام کیلئے رمضان کا تحفہ
وزیر اعظم کی جانب سے عوام کے لئے رمضان میں بڑاریلیف
جس میں رمضان پیکج کے تحت غریب گھرانوں کو مفت آٹا فراہم کرنے کی منظوری دے دی ، وزیراعظم شہبازشریف کی خصوصی ہدایت پر مفت آٹے کی فراہمی کا پیکج تیار کیا گیا ہے۔
وزیراعظم شہبازشریف نے کہا کہ پہلی دفعہ غریب گھرانوں کو مفت آٹے کی فراہمی کا یہ اپنی نوعیت کاپہلا پیکج ہے، پہلے مرحلے میں پنجاب میں غریب لوگوں کو رمضان پیکج کے تحت مفت آٹا فراہم ہوگا۔
وزیراعظم نے غریب گھرانوں کوآٹےکی فراہمی پرجامع حکمت عملی جلدازجلدمکمل کرنےکی ہدایت کرتے ہوئے کہا کہ ماہ رمضان میں روزہ داروں کوزیادہ سےزیادہ ریلیف دیں۔
ان کا کہنا تھا کہ ملک بھرمیں رمضان پیکج کی فراہمی کیلئےوفاق صوبوں کوہرممکن تعاون فراہم کرے گا۔
