The news is by your side.

Advertisement

ناروے میں مسجد پرحملہ روکنے والا شخص پاک فضایہ کا ریٹائرڈ ملازم ہے

اوسلو: پاکستان ایئرفورس کے ریٹائرڈ ملازم ناروے میں مسجد پر حملہ آور کو روکنے والا شخص پاکستان ایئرفورس کا ریٹائرڈ ملازم ہے۔

تفصیلات کے مطابق گزشتہ روز ناروے کے علاقے اوسلو میں مسجد پر ہونے والا حملہ ناکام بنانے والے شخص کے نام محمد رفیق بتا یا جارہا ہے، اس شخص نے مسجد پر حملہ آور ہونے والے شخص کو دروازے پر ہی روک لیا تھا۔

عینی شاہدین کے مطابق محمد رفیق نے حملہ آور کو مسجد کے دروازے پرروکا، اورایک اور نمازی کی مدد سے زمین پرگرا کر اس وقت تک کنٹرول کیے رکھا جب تک پولیس نہ پہنچ گئی۔

یاد رہے کہ گزشتہ روز اوسلو میں واقع النور اسلامک سینٹر (مسجد) کے باہرحملہ آور نے فائرنگ کرکے ایک شخص کو زخمی کردیا تھا۔

پولیس حکام نے پہلے دعویٰ کیا تھا کہ حملہ آور نے مسجد پر حملہ کرنے کی کوشش کی اور مسجد کے باہر ایک شخص کو دیکھ کر اُسی پرفائرنگ کر کے فرار ہوگیا تھا۔

وہاں کی سیکیورٹی فورسز نے ابتدائی بیانیے میں کہا تھا کہ سی سی ٹی وی فوٹیج کی مدد سے حملہ آور کی تلاش شروع کرکے مسجد پر حملہ کرنے والے شخص کو گرفتار کیا گیا ۔

پولیس حکام کے مطابق حملہ آور سفید فام ہے جس نے فائرنگ کی واردات کے وقت یونیفارم پہن رکھا تھا اور چہرہ چھپانے کے لیے ہیلمٹ بھی استعمال کیا۔

یاد رہے کہ رواں سال نیوزی لینڈ کے شہر کرائسٹ چرچ میں مسجد میں حملہ ہوا تھا جس کے نتیجے میں متعدد نمازی شہید ہوگئے تھے۔

Comments

comments

یہ بھی پڑھیں