The news is by your side.

Advertisement

اسلام آباد: روسی سفارت خانے کی گاڑی کی ٹکر، پاک فضائیہ کا اہلکار بیوی اور بیٹی سمیت زخمی

اسلام آباد: وفاقی دارالحکومت کے علاقے مارگلہ روڈ پر روسی سفارت خانے کی گاڑی نے پاک فضائیہ کے اہلکار کو ٹکر مار دی جس کے نتیجے میں بیوی، بیٹی اور وہ خود زخمی ہوگئے۔

نمائندہ اے آر وائی کے مطابق پاک فضائیہ کا اہلکار ریاض موٹر سائیکل پر اہلیہ اور بیٹی سمیت مارگلہ روڈ سے گزر رہا تھا کہ اسی دوران روسی سفارت خانے کی گاڑی نے اُسے ٹکر مار دی۔

حادثے کے نیتجے میں موٹرسائیکل پر سوار ایک خاتون اور بچی سمیت تین افراد زخمی ہوئے، پولیس نے جائے وقوعہ پر پہنچ کر زخمیوں کو پی اے ایف اسپتال منتقل کیا جبکہ مذکورہ گاڑی کو تھانہ کوہسار منتقل کردیا۔

پولیس کے مطابق گاڑی روسی سفارت خانے کے تھرڈ سیکریٹری ایلگزینڈر کی ہے جسے قانونی کارروائی کے لیے تھانے منتقل کیا گیا۔

خیال رہے کہ گزشتہ ماہ مئی میں امریکی سفارت کار کرنل جوزف کی گاڑی کی ٹکر سے اسلام آباد میں مقامی عتیق نامی نوجوان جاں بحق ہوگیا تھا، جس کے بعد امریکی سفارت کار کے خلاف مقدمہ بھی درج کیا گیا تھا۔

خیال رہے کہ امریکی سفارت کار کرنل جوزف کی گاڑی کی ٹکر سے جاں بحق نوجوان عتیق کے والد نے ملزم کا نام ای سی ایل میں ڈالنے کے درخواست دائر کی تھی جس پر عدالت نے فیصلہ جاری کرتے ہوئے کہا تھا کہ ملزم کرنل جوزف کو مکمل استثنیٰ حاصل نہیں، وزارت داخلہ امریکی سفارت کار کا نام ای سی ایل میں ڈالنے کے حوالے سے 2 ہفتوں میں فیصلہ کرے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں