کراچی کے علاقے کورنگی میں زہریلا کھانا کھانے سے دو سگی بہنیں جاں بحق اور چار کی حالت غیر ہوگئی۔
پولیس کے مطابق کراچی کے علاقے کورنگی اکیاون سی کے علاقے میں گھر میں زہریلا کھانا کھانے سے چار افراد کی حالت غیر ہوگئی، جن کو نیم بے ہوشی کی حالت میں اسپتال منتقل کیا گیا، جہاں دو بہنیں ماہم اور زرمین دم توڑ گئیں۔
دیگر بہنوں میں کبریٰ، سمیہ، مصباح اور جگنی شامل ہیں، جن کی حالت تشویشناک بتائی جارہی ہے۔
الیکشن کمیشن کا کہنا ہے کہ پنجاب میں نئی حلقہ بندیوں کے ساتھ بلدیاتی انتخابات کے شیڈول پر عمل درآمد ممکن نہیں ہے، الیکشن کمیشن کا کہنا ہے کہ پنجاب حکومت کی جانب سے انتخابات کے التواء کی درخواست دی گئی تو حلقہ بندیوں کے لئے درکار وقت کا جائزہ لیا جائے گا۔
اس کے ساتھ ہی پنجاب حکومت نے انتخابات کے التوا کیلئے الیکشن کمیشن کو درخواست لکھنے کا فیصلہ کیا ہے، جس کے لئے مشاورت شروع کردی ہے، صوبائی وزیر قانون رانا ثنا اللہ مختلف سیاسی جماعتوں سے رابطے میں ہیں۔
کراچی میں پولیس اور رینجرز کی ٹارگٹڈ کاروائیاں جاری ہیں، شہر کے مختلف علاقوں سے ٹارگٹ کلنگ اور بھتہ خوری میں ملوث ملزم سمیت بیس سے زائد جرائم پیشہ افراد کو گرفتار کرلیا گیا۔
کراچی میں قیام امن کے لئے پولیس اور رینجرز کے ٹارگٹڈ آپریشن جاری ہیں، ترجمان رینجرز کے مطابق رینجرز نے وائر لیس گیٹ کے قریب کاروائی کرکے دو ٹارگٹ کلرز کو گرفتار کرلیا۔
ملزمان رینجرز پر فائرنگ میں ملوث تھے، نیو کراچی صنعتی ایریا کے علاقے پولیس نے کاروائی کے دوران ٹارگٹ کلنگ اور بھتہ خوری میں ملوث ایک ملزم کو گرفتار کرلیا۔
گرفتار ملزم کا تعلق سیاسی جماعت سے ہے، ملزم کے قبضے سے اسلحہ بھی برآمد کیا گیا، پیر آباد کے علاقے میں پولیس نے ٹارگٹڈ آپریشن کے دوران قتل کی متعدد وارداتوں میں ملوث دو ملزمان کو گرفتار کرلیا۔
ترجمان رینجرز کے مطابق شہر کے مختلف علاقوں میں چھاپہ مار کاروائیاں کرتے ہوئے چودہ ملزمان کو حراست میں لے لیا، ملزمان کے قبضے سے مختلف نوعیت کے ہتھیار برآمد ہوئے ہیں۔
لیہ ریلوے اسٹیشن کے قریب سے دیسی ساختہ آدھا کلو وزنی بم برآمد کرلیا گیا، بم ڈسپوزل سکواڈ نے ناکارہ بنا دیا۔
لیہ ریلوے اسٹیشن کے قریب خالی پلاٹ سے برآمد ہونیوالے آدھا کلو وزنی دیسی ساختہ بم کو سول ڈیفنس لیہ اور بم ڈسپوزل سکواڈ ٹیم نے مشترکہ کاوش سے ناکارہ بنا دیا ہے، بم کی اطلاع مقامی تاجر کی جانب سے دی گئی۔
بم ڈسپوزل سکواڈ کے ماہرین بم کی ساخت کے حوالے سے جانچ میں مصروف ہیں جبکہ پولیس نے مذکورہ جگہ کو گھیرے میں لے کر تحقیقات کا آغاز کردیا ہے۔
اطلاعات کے مطابق کریانہ کے مقامی تاجر شیخ ظفر کو بھی بھتہ کی وصولی کیلئے گھر میں چار بم رکھے جانے کی دھمکی دی گئی، جس پر پولیس نے محلہ شیخانوالہ میں مذکورہ گھر کو گھیرے میں لیکر تلاشی شروع کردی ہے۔
راجن پور کے علاقے میں ہونے والی بیل دوڑ شہزادہ نامی بیل نے اپنے نام کرلی، جیتنے والے بیلوں کے مالکان ڈھول کی تھاپ پر رقص کرتے رہے۔
راجن پور کے نواحی علاقے شکار پور میں بیل دوڑ کے مقابلے ہوئے، ہر بیل دوسرے بیل سے خوبصورت تھا، بیلوں کے مالکان بھی معرکہ سر کرنے کیلئے بے تاب تھے، ڈھول بھی بجایا گیا اور منچلوں نے ڈھول کی تھاپ پر رقص کیا۔
بیل دوڑ دیکھنے کے لیے بہت سے لوگ آئے ہوئے تھے اور سب کے سب بہت ہی پرجوش تھے، نئے سال کی پہلی بیل دوڑ جیتنے کا سہرا سجا علی پور کے شہزادہ نامی بیل کے سر رہا، سب بیلوں کو پیچھے چھوڑ کر شہزادہ نامی بیل نے رستم راجن پور کا ٹائیٹل بھی اپنے نام کر لیا۔
جیتنے والے بیل کے مالک راؤ عمران کامران نے بتایا کہ بیل کو روزانہ دودھ پلاتے اور مکھن کھلاتے ہیں۔
ایم کیو ایم کے رہنما روئف صدیقی نے برطانوی وزیر اعظم ڈیوڈ کیمرون وزیر داخلہ تھیریسا مے اور اسکاٹ لینڈ یارڈ کےسربراہ کو خط لکھا ہے جس میں ایم کیو ایم کے قائد الطاف حسین کے خلاف منفی پراپیگنڈے پر اپنی تشویش کا اظہار کیا ہے ۔
اپنے کھلے خط میں روئف صدیقی نے لکھا ہے کہ ایم کیو ایم کے قائد الطاف حسین کے خلاف میڈیا ٹرائل، منفی پروپیگنڈہ اور سازشیں قابلِ مذمت ہیں ، الطاف حسین کروڑوں لوگوں کے دلوں میں بستے اور ان کی نمائندگی کرتے ہیں۔ انہوں نے کہا کہ الطاف حسین کو پہنچنے والی تکلیفوں کے اثرات سےلوگ بے چین ہو رہے ہیں،
الطاف حسین اور ان کی پارٹی کی جدوجہد اخلاص اور انصاف پرمبنی ہے جبکہ پاکستا ن کے ،روائیتی جاگیردار سیاستدان اپنے برطانو ی نژاد کارکنوں کے ذریعے برطانوی قوانین کا سہارا لے کر الطاف حسین کے خلاف منفی پروپیگنڈے میں مصروف ہیں، الطاف حسین اور ان کے ساتھیوں کے خلاف کوئی مقدمہ زیرِ سماعت نہ ہونے کے باجود انہیں ذہنی دباؤ کا شکار کیوں کیا جا رہا ہے، روئف صدیقی نے سوال کیا کہ منفی پروپیگنڈے سے متاثر ہو کر کہیں اختیارات سے تجاوز تو نہیں کیا جا رہاڈاکٹر عمران فاروق کا لندن میں قتل خود الطاف حسین کا بھی بہت بڑا نقصان تھا۔
سندھ میں شدید سرد موسم نے کرادئیے بچوں کے مزے اور ہوگئے اسکول مزید سات دنوں کے لئے بند، وزیر تعلیم سندھ نثار کھوڑو نے موسم سرما کی چھٹیوں میں ایک ہفتے کی توسیع کا اعلان کردیا۔
سردی سردی غضب کی سردی , کوئٹہ کی یخ بستہ ہواوں نے کراچی کا رخ کیا تو اہلیان کراچی سردی سے تھر تھر کانپنے لگے، سردی نے جہاں عوام کو پریشانی میں مبتلا کر دیا وہیں اسکول جانے والے بچوں کی موجیں بھی کرادی ۔۔۔کڑاکے کی سردی کے باعث بچوں کے والدین نے درخواست کی اتنی سردی میں بچے بیمار ہوجائیں گے۔
پہلے تو انکار ہواکہ چھٹیاں نہیں دی جاسکتیں ۔۔بچوں کے چہرے یہ سن کر مرجھا گئے شاید وزیر تعلیم صاحب کو بچوں کے معصوم چہروں پر رحم آہی گیا اور انہوں نے تمام سرکاری اور نجی اسکولوں میں دو سے آٹھ جنوری تک سرما کی تعطیلات میں توسیع کا اعلان کردیا۔ جس سے بچوں کے مرجھائے چہرے کھل اٹھے وزیر تعلیم نثار کھوڑو کا کہنا ہے کہ چھٹیوں میں اضافہ بچوں کے والدین کی درخواست پر کیا گیا ہے۔
متحدہ قومی موومنٹ کے قائد الطاف حسین نے کوئٹہ میں زائرین کی بسوں کو دھماکہ سے تباہ کرنے کی شدیدالفاظ میں مذمت کی ہے اوردہشت گردی کے اس بدترین واقعہ میں عورتوں اوربچوں سمیت متعددافراد کے جاں بحق اورزخمی ہونے پر دلی افسوس کا اظہار کیا ہے ۔
اپنے بیان میں الطا ف حسین نے کہاکہ اپنے مقدس مذہبی مقامات کی زیارت کوجانے والے معصوم وبے گناہ اورنہتے زائرین کونشانہ بناناکھلی بربریت اورسفاکی اورظلم ہے جس کی جتنی بھی مذمت کی جائے کم ہے۔انہوں نے کہاکہ آخران معصوم اورنہتے زائرین نے کسی کاکیابگاڑاتھا، آخران کاکیاقصورتھاجوان معصوموں کو دہشت گردی کانشانہ بنایاگیا۔
الطاف حسین نے کہاکہ جو عناصر اس قسم کی دہشت گردی میں ملوث ہیں وہ کسی سے ڈھکے چھپے نہیں ہیں لیکن ان کے خلاف کارروائی کا نہ ہونااور دہشت گردی کے اس قسم کے واقعات کاتسلسل کے ساتھ جاری رہنا ریاست کی رٹ اورحاکمیت کے بارے میں سنجیدہ نوعیت کے سوالات کوجنم دیتاہے جن کاجواب ان واقعات میں ملوث دہشت گردوں کی گرفتاری سے ہی دیاجاسکتاہے۔
الطا ف حسین نے مطالبہ کیاکہ دہشت گردی کے اس بدترین واقعہ میں ملوث دہشت گردوں کوفی الفورگرفتارکیاجائے اور ان عناصر کے ساتھ سختی سے نمٹاجائے، الطاف حسین نے بم دھماکے میں جاں بحق ہونے والے افرادکے لواحقین سے دلی تعزیت کااظہارکیا، جاں بحق ہونے والوں کیلئے دعائے مغفرت کی اورزخمیوں کی صحتیابی کیلئے دعاکی۔
تحریر: ایاز خان
انسانی تاریخ ہمیں یہ سبق دیتی ہے کہ جن اقوام میں بھی قانون کی عمل داری قائم ہوئی ہے اس نے طرقی کی بلندیوں کو چھولیا، قانون کی عمل داری اگر خوش اسلوبی سے نافذ ہوجائے تو معاشرہ ترقی کی منازل طے کرتا چلا جاتا ہے اور اگر یہ عمل داری راستے میں رک جائے اور قانون کا تمام شہریوں پر یکساں اطلاق نہ ہو پائےگا، غریب کے لئے قانون موجود ہو اور با اثر افراد اور امراء کے لئے قانون لمبی تان کر سو رہا ہو تومعاشرہ ابتری کی عبرت ناک مثال بن جاتا ہے۔
اس کی زندہ مثال برطانوی وزیراعلیٰ ڈیوڈ کیمرون ہیں جن کو ڈاکٹر نے انتہائی نہگداشت کے کمرے میں داخل ہونے سے نہ صرف روکا بلکہ اس کے نقصانات پرلیکچر بھی دیا، ذکر برطانیہ کا ہو اور پاکستان کی سیاست کا ذکر نہ ہو ایسا نہیں ہو سکتا۔
حال ہی میں برطانیہ سے اپنی تعلیم مکمل کرکے آنے والے بلا ول بھٹو زرداری انداز بیان اور گفتار سے پڑھے لکھے معلوم ہوتے ہیں اور اخباروں میں ان کی لاڑکانہ والی تقریر پر خوب کالم بھی لکھے گئے مگر کسی نے بلاول سے یہ سوال نہیں پوچھا کی میاں برطانیہ میں سڑک پر قبضہ کر نے کی کیا سزا ہے ؟ اور کو ئی پوچھے گا بھی نہیں کیوں کے بلاول تو بڑے صاحب کے بیٹے ہیں انکے نانا سابق وزیر اعظم ، والدہ دو مرتبہ سابق وزیر اعظم اور والد سابق صدر پاکستان اور مفاہمت کی پالیسی کے ایجاد کرنے والےہیں۔
کچھ عرصہ قبل سندھ ہائیکورٹ کے سابق چیف جسٹس مشیر عالم نے کہا تھا کہ قانون کی بلاتفریق عمل داری سے ہی دہشت گردی اور جرائم پر قابو پایا جا سکتا ہے لیکن بدقسمتی سے عدالتیں جن قوانین پر عمل درآمد کے احکامات جاری کرتی ہیں ان احکامات پر پوری طرح عملدرآمد نہیں کیا جاتا، شہریوں کے جان و مال کی تحفظ کی ذمہ دار حکومت ہے، قانون کی بلاتفریق عمل داری نہ ہونے کے سبب معاشرے میں جرائم بڑھ رہا ہے۔
میں پریشان ہوا کے سندھ کی سب سے بڑی عدالت کے چیف نے ایسا کیوں کہا تحقیق کر نے پر سمجھ آیا کے شاید پڑھے لھے لوگوں سے مخاطب ہیں، معاملہ کچھ یوں تھا کہ صوبہ سندھ کی سب سے بڑی عدالت جسے لوگ سندھ ہائی کورٹ کے نام سے جانتے ہیں اس کے حکم کے باوجود سڑک پر قبضہ جاری ہے اور سونے پر سوہاگاہ کے پولیس والے اس دیوار کی حفاظت پر معمور ہیں سندھ ہائی کورٹ کے حکم کے باوجود کےعوامی حقوق کے علمبرداروں کے کان پر جوں نہیں رینگی۔
سنا تو تھا کے پاکستان میں سب چلتا ہے مگر ایسی جیتی جاگتی مثال شاید پہلے نہیں دیکھی ۔ پیپلز پارٹی کے رہنما تو اپنی توپین لیکر میدان میں اتر آئیں ہیں مگر کا ش کوئی ان کو یہ سمجھا دے کہ سڑک عوام کے ٹیکس سے بنتی ہے بلاول سمیت کسی کے والد محترم کی ذاتی جائیداد نہیں ہوتی، مگر پیپلز پارٹی والے بہ ضد ہیں کہ ہم سے جو ٹکرائے گا وہ مٹی میں مل جائے گا۔ قصہ مختصر یہ کہ تقریباً تمام سیاسی جماعتوں کی لندن میں بھی دفاتر اور رہنماوں کے گھر موجود ہیں، جو پارٹی سڑک پر قبضہ کرنے کی حامی ہے ۔ لندن میں کسی بھی سڑک پر صرف 5 منٹ کے لئے رکاوٹیں کھڑی کر کے دکھائے۔
بچپن میں جب ہم کرکٹ کھلنے جا تے اور وہاں کوئی اورٹیم پہلے سے کھیل رہی ہوتی تھی توان بچوں سے الفاظ کی جنگ ہوجایا کر تی تھی اور ایک ہی سوال پوچھا جاتا تھا کہ سڑک کیا تمھارے باپ کی ہے؟ بچےتو صرف سوال کیا کرتے تھے مگر پردیس سے آئے تعلیم یافتہ بلاول نے اس سوال کا جواب بہت ہی دیا ہے۔
شاید میں یہ سب لکھنے کے بعد جمہوریت کا دشمن بھی کہلاوں اور گستا خ بھی مگر کیا کروں سچ کہنے کی بری عادت ہے ، کسی کو برا لگے تو خاکسار کیے لئے دعا فر ما دے
بقولِ شاعر
جو دل پر گزرتی ہے رقم کر تے رہیں گے
ہم پرورش ِ لوح و قلم کر تے رہیں گے
ایم کیو ایم نے کراچی ا ور حیدر آباد میں بلدیاتی انتخاب کیلئے مہم چلانے کا فیصلہ کر لیا۔ رابطہ کمیٹی کے ڈپٹی کنوینر خالد مقبول صدیقی نے کہا ہے کہ امید ہے حکومت سند ھ انتخابی مہم کو مہم ہی رہنے دے گی ۔
کراچی میں پریس کانفرنس سے خطاب کرتے ہوئے ایم کیو ایم کی رابطہ کمیٹی کے ڈپٹی کنوینر خالد مقبول صدیقی نے کہا ہے کہ ایم کیو ایم ہمیشہ انتخابات اکیلے لڑی ہے اور اس بار بھی اکیلی لڑے گی ، توقع ہے کہ بلدیاتی انتخابی مہم احتجاجی مہم میں تبدیل نہں ہوگی، انہوں نے بتایا کہ ایم کیو ایم کے انتخابی دفاتر کھلنا شروع ہوگئے ہے.
اس موقع پر خطاب میں ایم کیو ایم کے رہنما ڈاکٹر فاروق ستار کا کہنا تھا کہ حکومت سندھ کو آپریشن کے حوالے سے اپوزشین جماعتوں سے مشورے کرنے چاہئیں ۔ انہوں نے کہا کہ ایم کیو ایم کی خواہش ہے کہ وزیراعلی سندھ اُسے ملاقات کےلیے بلائیں ، حکومت سندھ آپریشن کی نگرانی کےلیے مانیٹرنگ کمیٹی بنا کر اس بات کو یقینی بنائے کہ کو ئی بے گناہ ماروئے عدالت قتل نہ ہو،
فاروق ستار نے کہا کہ متنازع قانون اور حلقہ بندیاں سندھ کے عوام کے ساتھ نا انصافی ہے،انتقامی عمل کے نتیجے میں انتخابی عمل متاثرہوگا، اگر دفاتر چھاپے مارے جائیں گے، توسیاسی اور انتخابی عمل سبو ثاز ہوگا۔
