مظفرگڑھ : شادی شدہ خاتون کو تھانہ صدر کے اندر ہی مبینہ طور پر زیادتی کا نشانہ بنادیا گیا، خاتون کا کہنا تھا کہ وہ اپنے اغواء کے مقدمے کا میڈیکل کروانے تھانے آئی تھی۔

تفصیلات کے مطابق مظفرگڑھ کے تھانہ صدر میں اپنے اغواء کے مقدمے کا میڈیکل کرانے کے لیے آنے والی خاتون کو مبینہ طور پر تھانے میں ہی زیادتی کا نشانہ بنادیا گیا۔

شادی شدہ متاثرہ خاتون نے الزام عائد کیا ہے کہ وہ اسے تھانہ صدر میں درج اس کے اغواء کے مقدمے میں میڈیکل کے لیے بلایا گیا تھا، لیکن تھانے میں تعینات پرائیویٹ رائٹر جنید نے اسے ایک اے ایس آئی کے کمرے میں لاک کرکے زیادتی کا نشانہ بنایا۔

خاتون کا کہنا تھا کہ ملزم نے اسے دھمکی دی کہ کمرے سے باہر جاکر کسی کو بتایا تو اس کا اغواء والا مقدمہ خارج کردیا جائے گا۔

ڈی پی او نے خاتون کے بیان کے مطابق مقدمہ درج کرنے کا حکم دے دیا اور خاتون کے الزام پر تھانے کے پرائیویٹ رائٹرر کو حراست میں لے لیا۔

مزید پڑھیں : ڈاکوؤں کی باپ اور بیٹے کو کمرے میں بند کرکے خاتون سے اجتماعی زیادتی

ترجمان پولیس کا کہنا تھا کہ پرائیویٹ رائٹر رکھنے پر 2 اےایس آئی کو معطل کردیا ہے ۔ مقدمے کی تفتیش میرٹ پر جائے گی، اگر الزام غلط ثابت ہوا تو اینٹی ریپ ایکٹ کے تحت کارروائی ہوگی۔

پولیس ترجمان وسیم خان گوپانگ کیمطابق معاملہ تفتیش طلب ہے، تحقیقات کے بعد ہی اصل حقائق سامنے آئیں گے، تھانہ صدر کی سی سی ٹی وی فوٹیجز بھی چیک کی جارہی ہے۔

اسلام آباد : تنخواہ دار طبقے کیلئے وزیراعظم کی ہدایت پر ٹیکس سلیب میں دوبارہ ردوبدل کردی گئی۔

تفصیلات کے مطابق قومی اسمبلی کی قائمہ کمیٹی برائے خزانہ کا سید نوید قمر کی زیر صدارت اجلاس ہوا۔

تنخواہ دار طبقے کیلئے وزیراعظم کی ہدایت پر ٹیکس سلیب میں دوبارہ ردوبدل کردی گئی اور 6 سے 12 لاکھ روپے سالانہ آمدن والوں کیلئے ٹیکس کی شرح ایک فیصد کرنے کا فیصلہ کیا۔

نئے بجٹ میں سالانہ 6 سے 12 لاکھ والے سیلری سلیب پر انکم ٹیکس کی شرح 2.5 فیصد مقرر کی گئی تھی جسے اب ایک فیصد کرنے کا فیصلہ کیا گیا ہے۔

عالمی مالیاتی ادارہ (آئی ایم ایف) نے 12 لاکھ روپے سالانہ آمدن تک ٹیکس چھوٹ ایک فیصد کرنے پر اتفاق کیا تھا۔

مزید پڑھیں : 1 لاکھ روپے ماہانہ تنخواہ پر1 ہزار روپے ٹیکس سے آسمان نہیں گرے گا، چیئرمین ایف بی آر

خیال رہے حکومت کی جانب سے بجٹ 2025-26 میں تنخواہ دار افراد کو ٹیکس میں رعایت دی گئی تھی۔

1.2 ملین تک کمانے والے ٹیکس دہندگان کے لیے قابل ادائیگی کم از کم ٹیکس 30,000 سے کم کرکے تقریباً 6,000 تک مقرر کیا گیا ہے، جس سے تنخواہ دار طبقے کو فوری ریلیف ملے گا۔

2.2 ملین سے 3.2 ملین پاکستانی روپے کے درمیان کمانے والوں کے لیے ٹیکس کی شرح 25 فیصد سے 23 فیصد تک گرنے کے ساتھ زیادہ آمدنی والے بریکٹس بھی سازگار ایڈجسٹمنٹ حاصل کرتے ہیں۔

اسلام آباد : قومی اسمبلی کی کمیٹی نے ایلیٹ تفریحی کلبوں پر ٹیکس لگانے کی حکومتی تجویز کی حمایت کر دی، 10لاکھ روپے ممبر شپ فیس وصول کرنے والے کلبز انکم ٹیکس میں آئیں گے۔

تفصیلات کے مطابق قومی اسمبلی کی قائمہ کمیٹی خزانہ کا اجلاس چیئرمین سید نوید قمر کی زیر صدارت ہوا، اجلاس میں چیئرمین ایف بی آر نے کہا ملک میں دس لاکھ روپے سالانہ ممبر شپ فیس لینے والے کلبوں کو انکم ٹیکس نیٹ میں لایا جائے گا۔

اب کلبوں کو آمدن اور اخراجات کے گوشوارے جمع کروانے ہوں گے ،اس میں وہ کلب شامل ہوں گے جو نئی ممبر شپ کیلئے دس لاکھ روپے فیس لیتے ہیں۔

قومی اسمبلی کی کمیٹی نے ایلیٹ تفریحی کلبوں پر ٹیکس لگانے کی حکومتی تجویز کی حمایت کر دی۔

مبین عارف نے کہا کہ ای کامرس کیلئے ٹیکس کم ہے اس کا غلط استعمال ہو گا، ایف بی آر آن لائن سیل پر ایک فیصد اور دکان پر 5 فیصد ٹیکس وصول کرے گا۔

مزید پڑھیں : بڑے بڑے کلبوں نے اربوں روپے اپنے اکاؤنٹس میں رکھے ہوئے ہیں، چیئرمین ایف بی آر

چیئرمین ایف بی آر نے کہا کہ اس ایناملی کے حل کیلئے ٹیکنیکل ٹیم کام کر رہی ہے ڈیجیٹل مارکیٹ والوں کو ٹرن اوور پر ٹیکس دینا ہوگا۔

کمرشل پراپرٹی پر چار فیصد رینٹل تعین کرنے کی ایف بی آر کی تجویز پر غور جاری ہے ، مرزا اختیار بیگ نے کہا کہ اس رینٹل کو کو کم کیا جائے۔

جس پر چیئرمین ایف بی آر نے کہا کہ اس کو کم نہیں کیا جا سکتا، پہلے ٹیکس افسران کے پاس رینٹل مقرر کرنا کا اختیار تھا ،اگر کمیٹی اختیار نہیں دینا چایتی تو ہم اپنی تجوید واپس لے لیتے ہیں۔

اسامہ میلہ کا کہنا تھا کہ شہروں میں تو رینٹل چار فیصد ہو سکتا ہے مگر دیہات کیلئے مشکل ہے، اس کو ایک دفعہ چلنے تو دیں اگر اچھا نہ ہوا تو آئندہ مالی سال ترامیم کر دیں گے۔

چیئرمین ایف بی آر نے بتایا کہ ایف بی آر کے پراپرٹی ریٹس ڈی سی ریٹس سے بہت بہتر ہیں، جس پر چیئرمین قائمہ کمیٹی فنانس نوید قمر نے کہا کہ اس قانون میں نظرثانی کی بھی گنجائش رکھی جائے۔

راشد لنگڑیال نے کہا کہ اس کا اطلاق ہونے دیں اگر کسی علاقے میں زیادہ لگا تو کم کر دیں گے تاہم کمیٹی نے کمرشل پراپرٹی کا چار فیصد رینٹل مقرر کرنے کی تجویز کو مسترد کر دیا۔