پشاور : وزیراعلیٰ خیبر پختونخواہ علی امین گنڈا پور نے بانی پی ٹی آئی کی رہائی کا معاملہ اللہ پر چھوڑ دیا۔

تفصیلات کے مطابق وزیراعلیٰ خیبر پختونخواہ علی امین گنڈا پور نے بانی پی ٹی آئی کی رہائی کے لیے اپنی خدمات گنوادیں۔

وزیراعلیٰ خیبرپختونخوا نے میڈیا سے گفتگو کرتے ہوئے کہا کہ بانی پی ٹی آئی عمران خان کی رہائی کے لیے کیا کچھ نہیں کیا لیکن اللہ کی طرف سے ہر چیز کا وقت مقرر ہے،کوشش انسان کرتا ہے اور صلہ اللہ دیتا ہے

ان کا کہنا تھا کہ کوشش کرنے میں کوئی کسر نہیں چھوڑی، میرا ضمیر مطمئن ہے، ہر بندے کو خوش نہیں کرسکتا، کارکنوں کو جلد خوشخبری ملے گی۔

مزید پڑھیں : بانی پی ٹی آئی کی بہنوں کیساتھ ناروا سلوک ، علی امین گنڈا پور کی دھمکی

وزیراعلیٰ کے نے پارٹی میں اپنے مخالفین پر چڑھائی کردی اور کہا دشمنی کا شوق ہے تو میرے خلاف اعلان جنگ کر دو۔

ان کا مزید کہنا تھا کہ بیان کوئی دیتا ہے، تشریح کوئی کرتا ہے، اختلافات پارٹی کے اندر حل کرنے چاہئیں۔

گذشتہ روز وزیراعلیٰ خیبر پختو ںخواہ نے بانی پی ٹی آئی کی بہنوں کیساتھ ناروا سلوک کی مذمت کرتے ہوئے کہا تھا کہ وقت آنے پر حساب لیا جائے گا۔

ان کا کہنا تھا کہ حکومت کی فسطائیت کا ڈٹ کر مقابلہ کرتے آرہے ہیں آگے بھی کرتے رہیں گے، بانی پی ٹی آئی نا حق قید ہیں، ان کی رہائی تک ہماری جدو جہد جاری رہے گی۔

علی امین نے کہا تھا حکومت بانی پی ٹی آئی کی دشمنی میں انسانی حقوق کی خلاف ورزیوں کی تمام حدیں پار کر رہی ہے، اس طرح کےغیر انسانی اور غیر قانونی ہتھکنڈے ہمارے حوصلے پست نہیں کر سکتے

اسلام آباد : چئیرمین بیرسٹر گوہر کا کہنا ہے کہ بانی پی ٹی آئی کے بعد میرا حکم چلتا ہے، چیئرمین ہوں پوری پارٹی مجھے وضاحت دے گی۔

چیئرمین پی ٹی ائی بیرسٹر گوہر نے سیکرٹری جنرل سلمان اکرم راجہ کو آڑے ہاتھوں لے لیا اور کہا طے کرلو،کسی ایک کواجازت نہیں ملے گی تو کوئی بھی نہیں جائے گا۔

بیرسٹر گوہر  نے واضح کیا کہ بانی پی ٹی آئی کے بعدمیرا حکم چلتا ہے، میرے دستخط سے پارٹی میں لوگوں کو ٹکٹس ملتے ہیں۔

ان کا کہنا تھا کہ چیئرمین ہوں پوری پارٹی مجھے وضاحت دے گی، میں کسی کو وضاحت نہیں دوں گا، صرف بانی کوجواب دہ ہوں۔

چیئرمین پی ٹی آئی نے کہا کہ کوئی بندہ سستی شہرت لینے کی کوشش نہ کرے، علی ظفر کے بارے میں کوئی نہ کہے کہ وہ منظور نظرہیں، علی ظفر ایک عظیم آدمی ہے۔

انھوں ن مزید کہا کہ سیاسی کمیٹی نے کبھی نہیں کہا بہنوں کو اجازت نہ ملے تووکلا نہیں جائیں گے، 25تاریخ کو بہنوں کو روکا گیا سلمان اکرم پھر کیوں گئے اوروکلا کیوں گئے ، یہ فیصلہ بھی نہیں کیا کہ ایک وکیل کو ڈراپ کیا گیا تو باقی نہیں جائیں گے۔

مزید پڑھیں : پی ٹی آئی رہنماؤں میں اختلافات، سلمان اکرم راجہ کی بانی سے ملاقات کرنے والوں پر لفظی گولہ باری

یاد رہے سلمان اکرم راجہ نے گذشتہ روز عمران خان سے ملاقات نہ ہونے پر ساتھیوں پر چڑھائی کردی تھی اور جنہیں ملنے کی اجازت ملی انہیں منظور نظر قرار دے دیا تھا۔