بھارتی ریاست آسام میں پولیس نے پہلگام حملے کی سچائی بیان کر کے مودی سرکار کو آئینہ دکھانے پر مسلمان رکن اسمبلی امین الاسلام کو گرفتار کر لیا۔

امین الاسلام کا تعلق آسام کی سیاسی جماعت آل انڈیا یونائیٹڈ ڈیموکریٹک فرنٹ سے ہے جنہوں نے پہلگام حملے کو بھارتی حکومت کی سازش قرار دیا جو مودی سرکار کو ایک آنکھ نہ بھایا۔

انڈین میڈیا کی رپورٹس کے مطابق ڈھنگ حلقے سے تین بار رکن اسمبلی منتخب ہونے والے امین الاسلام کو ناگون ضلع میں ان کی رہائش گاہ سے گرفتار کیا گیا۔

یہ بھی پڑھیں: پہلگام حملہ: فواد خان کی ’عبیر گلال‘ کے گانے اور ٹیزر یوٹیوب سے ڈیلیٹ

سپرنٹنڈنٹ آف پولیس (ایس پی) سوپنیل ڈیکا نے کہا کہ پولیس نے سوشل میڈیا پر گردش کرنے والی ایک ویڈیو کا نوٹس لیا جس میں امین الاسلام کو پہلگام حملے پر بیان دیتے ہوئے سنا جا سکتا ہے۔

پولیس نے ان کے خلاف بھارتیہ نیا سنہتا کی دفعہ 152، 196، 197 (1)، 113 (3)، 352 اور 353 کے تحت مقدمہ درج کیا۔ گرفتار مسلمان رکن اسمبلی کو آج عدالت میں پیش کے جانے کا امکان ہے۔

ادھر، آسام کے وزیر اعلیٰہمنتا بسوا سرما نے سوشل میڈیا پلیٹ فارم ایکس پر جاری اپنے بیان میں کہا کہ جو لوگ پہلگام حملے کا جواز پیش کرنے کی کوشش کرتے ہیں وہ آزادی اظہار کا استعمال نہیں کر رہے ہیں بلکہ وہ بھارت کے خلاف کھڑے ہیں۔