حالیہ پاک بھارت کشیدگی میں سابق قومی کرکٹر دانش کنیریا کی بھارت نوازی کام نہ آئی بھارتی اسٹیڈیم نے ان کی تصویر ہٹا دی گئی۔
پہلگام فالس فلیگ آپریشن کے بعد بھارتی جارحیت کے ردعمل میں پاکستان کے دندان شکن جواب سے بھارت حواس باختہ ہوچکا ہے اور اب وہ اپنے اسٹیڈیمز سے پاکستانی کرکٹرز کی تصاویر بھی ہٹا رہا ہے۔
بھارتی میڈیا کے مطابق دونوں ملکوں میں کشیدگی کے باعث جے پور کے سوائی مان سنگھ اسٹیڈیم کی گیلری سے سابق پاکستانی لیگ اسپنر دانش کنیریا کی تصویر بھی ہٹا دی گئی ہے۔
دانش کنیریا جو ہندو مذہب سے تعلق رکھتے ہیں۔ انہوں نے حالیہ کشیدگی کے دوران اپنے ہی وطن پاکستان کی مخالفت میں بیان دیے تھے اور بھارت کی کاسہ لیسی کی تھی۔
لیکن بھارت کی بے جا مدح سرائی بھی دانش کے کسی کام نہ آسکی۔ ہندو انتہا پسندوں کے شدید احتجاج کے بعد سابق پاکستانی لیگ اسپنر کی تصویر سوائی مان سنگھ اسٹیڈیم سے ہٹا دی گئی ہے۔
واضح رہے کہ انیل دلپت کے بعد دانش کنیریا دوسرے پاکستانی کرکٹر ہیں جن کا تعلق ہندو مذہب سے ہے۔ انہوں نے اپنے 12 سالہ انٹرنیشنل کیریئر میں 61 ٹیسٹ اور 18 ون ڈے میچوں میں قومی ٹیم کی نمائندگی کی تھی۔ جس میں انہوں نے 261 ٹیسٹ وکٹیں حاصل کیں۔
بھارت کے خلاف دانش کنیریا نے بہترین کارکردگی کا مظاہرہ کرتے ہوئے 11 ٹیسٹ میچز اور دو ون ڈے میچوں میں 44 وکٹیں حاصل کی تھیں۔
تاہم 2012 میں انگلینڈ اینڈ ویلز کرکٹ بورڈ کی جانب سے ایسیکس کے ساتھ کاؤنٹی کے دوران اسپاٹ فکسنگ اسکینڈل میں ملوث ہونے پر انہیں تاحیات پابندی کا سامنا کرنا پڑا تھا۔ اب وہ مستقبل بیرون ملک مقیم ہیں۔
دانش کنیریا شاہد آفریدی سے متعلق اپنے متنازع بیان کی وجہ سے بھی شہ سرخیوں میں رہے جب کہ حالیہ پاک بھارت کشیدگی میں بھی انہوں نے متنازع بیان دیا تھا۔
شاہد آفریدی کا پہلگام سے متعلق بیان دانش کنیریا کو ہضم نہ ہوا، الزامات کی بوچھاڑ کردی
