بھارتی شہر کولکتہ میں پہلگام حملے کے بعد حاملہ مسلم خاتون کو اُس وقت نفرت انگیز رویے کا سامنا کرنا پڑا جب ڈاکٹر نے ان کا علاج کرنے سے انکار کر دیا۔
انڈین میڈیا کی رپورٹس کے مطابق واقعہ سرکاری کلینک میں پیش آیا، 7 ماہ کی حاملہ مسلم خاتون محفوظہ معمول کے چیک اپ کیلیے گئی تھیں۔
ڈاکٹر کو جب خاتون کا نام معلوم ہوا تو اس نے علاج کرنے سے انکار کرتے ہوئے پہلگام حملے کا حوالہ دیا اور مغلظات بھی بکیں۔
یہ بھی پڑھیں: قابض بھارتی فوج نے مزید 5 کشمیریوں کے گھر تباہ کر دیے
اس نے حاملہ محفوظہ سے کہا کہ وہ کسی مدرسے یا مسجد میں جا کر اپنا علاج کروائے۔
محفوظہ نے افسوس کا اظہار کرتے ہوئے کہا کہ پہلی بار ہمیں محسوس کروایا گیا کہ ہم مسلمان ہیں، ڈاکٹر نے فیس وصول کی اور جب میرا نام سنا تو نفرت انگیز رویہ اختیار کر لیا۔
خاتون کے مطابق ڈاکٹر کا کہنا تھا کہ تم لوگوں نے پہلگام میں بے قصور ہندوؤں کو قتل کیا، ہندوؤں کو چاہیے کہ وہ تمہارے شوہر کو قتل کر دے تاکہ تمہیں پتا چلے کہ کیا محسوس ہوتا ہے۔
محفوظہ دلبرداشتہ ہو کر گھر لوٹ آئی اور ڈاکٹر کو فون کر کے پوچھا کہ اس نے نفرت انگیز رویہ کیوں اختیار کیا تو سامنے سے اس نے اپنی حرکت کو درست قرار دیا۔
