پاکستان اور بھارت میں جنگی ماحول کے دوران وزیراعظم شہباز شریف نے اپوزیشن جماعت (پی ٹی آئی) کی جانب دوستی کا ہاتھ بڑھا دیا ہے۔
اے آر وائی نیوز کے مطابق اے آر وائی نیوز کے مطابق وزیراعظم شہباز شریف نے بھارت کے رات کے تاریکی میں بزدلانہ حملے اور پاک فوجی کی فوری اور منہ توڑ جوابی کارروائی کے بعد دونوں ممالک میں صورتحال کشیدہ ہے۔ ان حالات میں وزیراعظم شہباز شریف نے اپوزیشن جماعت کی جانب دوستی کا ہاتھ بڑھایا ہے۔
وزیراعظم نے قومی اسمبلی اجلاس سے خطاب کرتے ہوئے کہا کہ گزشتہ رات بھارت کے بزدلانہ حملے کا پاک فوج نے فوری اور منہ توڑ جواب دے کر اس کے ناپاک عزائم خاک میں ملائے۔ آج ہمیں پوری دنیا کو دکھانا ہے کہ ہم سب متحد ہیں۔
انہوں نے کہا کہ آج کے دن کا تقاضہ ہے کہ یہ ایوان مسلح افواج کے سربراہان کو خراج تحسین پیش کرے۔ پاکستان تحریک انصاف سے گزارش ہے کہ وہ آج کے دن اتحاد اور اتفاق کا مظاہرہ کرے۔
شہباز شریف نے کہا کہ یہ وقت ایک دوسرے پر کیچڑ اچھالنے کا نہیں بلکہ اتفاق کا ہے۔ میں اپوزیشن لیڈر سے ان کے چیمبز میں جا کر ملنے کو تیار ہوں۔ اپوزیشن سے گزارش ہے کہ آئیں اور مل کا اختلافات ختم کریں۔
