ملائیشین وزیر اعظم کے درمیان ٹیلی فونک رابطہ میں شہباز شریف نے پہلگام واقعہ پر غیر جانبدار اور شفاف تحقیقات کی پیشکش کا اعادہ کیا ہے۔
اے آر وائی نیوز کے مطابق وزیر اعظم شہباز شریف اور ملائیشین وزیراعظم انور ابراہیم کے درمیان ٹیلیفونک رابطہ ہوا جس میں شہباز شریف نے ملائیشین ہم منصب کو پہلگام فالس فلیگ آپریشن کے تناظر میں پاکستانی موقف سے آگاہ کیا۔
وزیر اعظم نے ملائیشین ہم منصب کو بھارتی جارحانہ عزائم سے پیدا ہونے والی کشیدہ صورتحال سےآگاہ کیا اور کہا ہے کہ پہلگام واقعہ کو پاکستان سے جوڑنے کی بھارت کی مذموم کوششوں کو مسترد کرتے ہیں۔
اس موقع پر شہباز شریف نے پہلگام واقعہ کی غیر جانب دار اور شفاف عالمی تحقیقات کی پیشکش کا ایک بار پھر اعادہ کیا اور کہا کہ پاکستان ہر قسم کی دہشت گردی کی مذمت کرتا ہے۔ عالمی تحقیقات میں ملائیشیا کی شرکت کا خیر مقدم کرینگے۔
وزیراعظم نے مزید کہا کہ پاکستان نے فرنٹ لائن اسٹیٹ کے طور پر دہشتگردی کے ہاتھوں بہت نقصان اٹھایا اور دہشت گردی کے خاتمے کیلیے بھاری جانی ومالی نقصان بھی برداشت کیا۔
ان کا کہنا تھا کہ بھارتی جارحانہ اقدامات کا مقصد انسداد دہشتگردی کی کوششوں سے توجہ ہٹانا ہے۔ پاکستان اس وقت اقتصادی استحکام کی راہ پر گامزن ہے اور ہم کسی تنازع میں الجھنا نہیں چاہتے۔
پہلگام واقعہ: یورپ کے اہم ملکوں کا آزادانہ تحقیقات کے لیے پاکستان کی تجویز کا خیر مقدم
