اسلام آباد : چیئرمین تحریک انصاف عمران خان نے کہا ہے کہ پاک افغان سرحد کی بند ش سے انسانی بحران بنتا جارہا ہے، ان کا کہنا ہے کہ سرحدوں پرانسداد دہشت گردی کیلئے مؤثر تعاون کیا جائے۔
یہ بات انہوں نے سماجی رابطے کی ویب سائٹ ٹوئیٹر پر اپنے پیغام میں کہی، علاوہ ازیں پی ٹی آئی کے چیئرمین عمران خان سے افغانستان کے سفیر نے ملاقات کی، عمران خان کی رہائش گاہ بنی گالا اسلام آباد میں ہونے والی اس ملاقات میں دونوں شخصیات کے دوران پاک افغان تعلقات پرتبادلہ خیال کیا گیا۔
Closure of Pak-Afghan border is building into a humanitarian crisis. The two govts need to cooperate effectively on cross-border terrorism
— Imran Khan (@ImranKhanPTI) March 4, 2017
ایک گھنٹہ جاری رہنے والی ملاقات میں پاک افغان سرحد کی بندش سے پیدا ہونے والی صورتحال اورخطے کی مجموعی صورتحال پر بھی گفتگو کی گئی۔ دونوں رہنماؤں نے اس بات پر اتفاق کیا کہ پاک افغان تنازعات کےحل کیلئےدونوں ممالک کی حکومتوں کو مؤثربات چیت کرنی چاہئیے۔
Those with valid travel documents & perishable goods should be allowed to cross border to mitigate suffering of ordinary ppl on both sides https://t.co/jEaanhIntb
— Imran Khan (@ImranKhanPTI) March 4, 2017
عمران خان کا کہنا تھا کہ پاکستان میں موجود افغانیوں کی وطن واپسی کیلئے اقدامات ضروری ہیں۔
اس کے علاوہ وزیر اعلیٰ پختونخوا پرویز خٹک نے عمران خان سے ملاقات کی، ملاقات میں جہانگیر ترین، نعیم الحق اور پختونخوا کابینہ کے اراکین شریک ہوئے۔ ملاقات میں فاٹا کی قومی دھارے میں شمولیت کیلئے اصلاحات کا بھرپور خیر مقدم کیا گیا۔
عمران خان کا اس موقع پر کہنا تھا کہ قبائلی عوام کی محرومیوں کے خاتمے کی جانب اہم قدم اٹھایا گیاہے، پوری قوم قبائلی بھائیوں کی قومی دھارے میں شمولیت پر خوش ہے۔
