لندن: انگلینڈ کیخلاف واحد ٹی ٹوئنٹی میچ کیلئے تیرہ رکنی پاکستانی ٹیم کا اعلان کردیا گیا، شاہد آفریدی، احمد شہزاد اور عمر اکمل سلیکٹ نہ ہوسکے۔
پاکستان ٹیم دورہ انگلینڈ کے اختتام پر واحد ٹی ٹوئنٹی میچ سات ستمبر کو اولڈ ٹریفرڈ میں کھیلے گی، سلیکشن کمیٹی نے تیرہ کھلاڑیوں کا انتخاب کیا ہے، سرفراز احمد مختصر فارمیٹ میں پاکستان ٹیم کی قیادت سنبھالیں گے۔
پہلی مرتبہ سیالکوٹ سے تعلق رکھنے والے بولر عماد بٹ کو ڈیبیو کرنے کا موقع مل سکتا ہے، پاکستان سپر لیگ کے پہلے ایڈیشن میں عماد بٹ اسلام آباد یونائیٹڈ کی نمائندگی کرچکے ہیں۔
دوسری جانب انگلینڈ بھی پاکستان کے خلاف ایک روزہ سیریز جیتنے کے بعد ٹی ٹوئنٹی اسکواڈ کا اعلان کر چکی ہے، آل راؤنڈر بین اسٹوکس کی ٹیم میں واپسی ہوئی ہے۔
پاکستان کے خلاف انگلینڈ کے ٹی ٹوئنٹی اسکواڈ میں بین اسٹوکس کے علاوہ جوروٹ،ایلکس ہیلز،مارک وڈ اور معین علی کی بھی واپسی ہوئی ہے جبکہ لیام ڈاؤسن، کرس ووکس اور جیمز ونس کو ٹی ٹوئنٹی ٹیم میں شامل نہیں کیا گیا ہے۔
واضح رہے کہ پاکستان اور میزبان انگلینڈ کے درمیان یہ میچ سات ستمبر کو اولڈ ٹریفورڈ میں کھیلا جائے گا۔
