راولپنڈی : پاکستان آرمی کیجانب سے چولستان کےدور افتادہ علاقوں میں مفت طبی سہولیات کی جارہی ہے، رواں سال تقریباً 12ہزار افراد کو مفت طبی سہولیات مہیاکی جا چکی ہیں۔
تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کی جانب سے بیان میں کہا گیا ہے کہ پاکستان آرمی نے چولستان کے دور افتادہ علاقوں میں مفت طبی سہولیات فراہم کردی ، اس اقدام کےلیےپاکستان آرمی کی خصوصی ٹیمیں تشکیل دی گئی ہیں۔
آئی ایس پی آر کا کہنا ہے کہ ٹیمیں ڈسٹرکٹ انتظامیہ کے تعاون سےطبی سہولتوں کی فراہمی کےلئےسر گرم ہیں ، رواں سال تقریباً 12ہزار افراد کو مفت طبی سہولیات مہیاکی جا چکی ہیں۔
فورٹ عباس میں پاک فوج اور ضلعی انتظامیہ کے زیراہتمام میڈیکل اور آئی سرجیکل کیمپ ہوا، سیلانی انٹرنیشنل ویلفیئرٹرسٹ کی وساطت سے کیمپ 12سے17اکتوبر تک جاری ہے۔
آئی ایس پی آر کے مطابق کیمپ میں غریب اور نادار مریضوں کےلئے امراض چشم کی تشخیص و علاج کیاجارہاہے ، مفت لیزرآئی سرجری کے ذریعے موتیے کا علاج کیا جارہا ہے، ضرورت مندافرادکومفت چشمےاورادویات بھی مہیا کئے جارہے ہیں۔
15اکتوبرکوکورکمانڈربہاولپورلیفٹیننٹ جنرل خالدضیا نےآئی کیمپ کا دورہ کیا ، کورکمانڈربہاولپورنےعوام کو دی جانے والی طبی سہولیات کا بغور جائزہ لیا۔
