The news is by your side.

Advertisement

آواران میں پاک فوج کا تیار کردہ ماڈل ولیج زلزلہ متاثرین کے حوالے

اسلام آباد: صوبہ بلوچستان کے ضلع آواران میں پاک فوج کی جانب سے تیار کردہ ماڈل ولیج زلزلہ متاثرین کے حوالے کردیا گیا، ماڈل ولیج صرف 6 ماہ میں تیار کیا گیا ہے۔

تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ آواران کے علاقے مشکئی میں گھر اور دکانیں تعمیر نو کے بعد متاثرہ افراد کے حوالے کردی گئیں۔

آئی ایس پی آر کا کہنا ہے کہ پاک فوج کی طرف سے ماڈل ولیج تیار کیا گیا ہے جو تمام سہولیات سے آراستہ ہے۔ ماڈل ولیج میں اسکول، مارکیٹ، واٹر سپلائی اور سولر بجلی کی سہولتیں دی گئی ہیں۔

آئی ایس پی آر کے مطابق پاک فوج نے 6 ماہ کے عرصے میں تمام سہولتوں سے آراستہ ماڈل ولیج تیار کیا ہے، ولیج کا انتظام کمانڈر سدرن کمانڈ عاصم سلیم باجوہ نے مقامی افراد کے حوالے کر دیا۔

خیال رہے کہ مشکئی میں سنہ 2013 میں آنے والے زلزلے میں کئی دیہات بری طرح متاثر ہوئے تھے۔ ستمبر میں آںے والے زلزلے کی شدت 7.7 اعشاریہ تھی جس نے پاکستان کے صوبہ بلوچستان، بھارت اور افغانستان کو بھی متاثر کیا تھا۔

4 روز بعد انہی علاقوں میں زلزلے کے آفٹر شاکس محسوس کیے گئے جن کی شدت 6.8 تھی، دونوں زلزلوں میں مجموعی طور پر ساڑھے 8 سو کے قریب افراد جاں بحق ہوئے تھے۔

Comments

comments

یہ بھی پڑھیں