کراچی: چھٹی ہے تو میچ انجوائے کرینگے، شہریوں نے چوتھے ٹی ٹوئنٹی میچ کے تمام ٹکٹس خرید لئے۔
شہر قائد میں میچز ہوں اور شہری انجوائے نہ کریں ایسا کھبی نہیں ہوا، کراچی والوں نے اپنی اس روایات کو برقرار رکھا اور چھٹی کے روز ہونے والے پاک انگلینڈ ٹی ٹوئنٹی سیریز کے چھوتے میچ کے تمام ٹکٹس خرید ڈالے۔
میچ کے ڈھائی سو سے پندرہ سو روپے والے تمام ٹکٹس نایاب ہوگئے جبکہ وی آئی پی انکلوژر کے تمام ٹکٹس فروخت ہوچکے، قائد انکلوژر، عمران خان، ماجد خان اور وسیم اکرم انکلوژر کےسات سو پچاس روپےوالے بھی مکمل فروخت ہوچکے۔
یہ بھی پڑھیں: پاکستان کیخلاف انگلینڈ کو بڑا دھچکا
آن لائن ٹکٹوں کی ویب سائٹ پر چھٹی کے روز کے تمام ٹکٹس سولڈ آؤٹ بتائے جا رہے ہیں۔
واضح رہے کہ انگلینڈ دورہ پاکستان میں سات میچوں پر مشتمل ٹی ٹوئنٹی سیریز کھیلنے کے لئے پاکستان میں موجود ہے، سیریز کے ابتدائی چار میچز 20، 22، 23 اور 25 ستمبر کو نیشنل اسٹیڈیم میں کھیلے جائیں گے جبکہ آخری تینوں میچز بالترتیب 28، 30 ستمبر اور 2 اکتوبر کو لاہور کے قذافی اسٹیڈیم لاہور میں طے ہیں۔
