ورلڈ کپ میں پاک بھارت ٹاکرے کا سب کو ہی انتظار ہے لیکن ٹائیگر کو کس کی جیت کا انتظار ہے؟
آئی سی سی کرکٹ ورلڈ کپ میں پاکستان اور بھارت کی ٹیمیں 14 اکتوبر بروز ہفتے کو مدمقابل آئیں گی، ورلڈ کپ میں پاکستان اور بھارت دونوں ہی اپنے ابتدائی دونوں میچز جیت لیے ہیں۔
پاکستان نے ابتدائی دو میچز میں نیدرلینڈز اور سری لنکا کو شکست دی تو بھارت بھی آسٹریلیا اور افغانستان کو شکست دے چکا ہے۔
کرکٹ شائقین کو ہی نہیں بالی ووڈ کے سلطان سلمان خان کو بھی پاک بھارت میچ کا انتظار ہے۔
سلمان خان کی ویڈیو سوشل میڈیا پر وائرل ہورہی جس میں وہ کہہ رہے ہیں کہ ’اس بار ان گیارہ ٹائیگرز کا سب سے بڑا مشن، 7 لگاتار جیت کے بعد بھی آٹھویں بار ہوگی کانٹے کی ٹکر، یہ کرکٹ رائیورلی ہے گریٹ، پورے ہندوستان اور ٹائیگر کو ہے آٹھویں جیت کا انتظار۔‘
دبنگ خان کہتے ہیں کہ ’8 کا ویٹ، آخر میں وہ کہتے ہیں کہ جب تک ٹائیگر مرا نہیں تب تک ٹائیگر ہارا نہیں۔‘
Untamed. Unbeaten.
Humare 11 khilaadiyon ki tarah, Tiger ko bhi hai #8KaWait!
Kya hoga jab #TeamIndia #GreatestRivalry mein takraayegi #Pakistan ke saath?Tune-in to #INDvPAK in the #WorldCupOnStar
SAT, OCT 14, 12:30 PM onwards | Star Sports Network#CWC23 #Cricket pic.twitter.com/WEGOQsVjjJ— Star Sports (@StarSportsIndia) October 12, 2023
واضح رہے کہ سلمان خان کی فلم ٹائیگر تھری 10 نومبر کو بڑے پردے کی زینت بنے گی۔ فلم کے مرکزی کرداروں میں کترینا کیف، عمران ہاشمی ودیگر شامل ہیں۔
