کراچی : پاک بحریہ نے شمالی بحیرہ عرب میں لائیو میزائل فائرنگ کا کامیاب مظاہرہ کیا ہے، پاک بحریہ کے جہاز سے داغے گئے میزائل نے سو فیصد درستی کے ساتھ اپنے ہدف کو نشانہ بنایا۔

پاک بحریہ کے ترجمان کے مطابق بحریہ پاک بحریہ کے ہراول جنگی یونٹ نے شمالی بحیرہ عرب میں لائیو میزائل فائرنگ کا مظاہرہ کیا ہے۔

میزائل پاک بحریہ کے فریگیٹ جہاز اَصلت سے داغا گیا،میزائل نے 100 فیصد درستی کے ساتھ ہدف کو نشانہ بنایا،پاک بحریہ کے سربراہ ایڈمرل محمد ذکا اللہ نے لائیو میزائل فائرنگ کا مشاہدہ کیا۔

مزید پڑھیں : گوادربندرگاہ کے تحفظ کیلئے پاک بحریہ کی خصوصی فورس تیار

اس موقع پر اپنے خیالات کا اظہار کرتے ہوئے نیول چیف ایڈمرل محمد ذکا اللہ نے آپریشنل تیاریوں پر مکمل اطمینان کا اظہار کیا۔ ان کا کہنا تھا کہ قوم کے دفاع کے مقدس فریضے کی ادائیگی کیلئے پاک بحریہ غیرمتزلزل عزم کے ساتھ تیار ہیں،  لائیو میزائل فائرنگ ملکی بحری و دفاعی صلاحیتوں کا منہ بولتا ثبوت ہے۔