کراچی : رئیرایڈمرل کلیم شوکت نے بطور کمانڈر پاکستان فلیٹ کمانڈ سنبھال لی ہے۔
ترجمان پاک بحریہ کے مطابق کراچی میں پاکستان فلیٹ کمانڈ کی تبدیلی کی تقریب پی این ڈاکیارڈ میں ہوئی، رئیرایڈمرل کلیم شوکت نے بطورکمانڈرپاکستان فلیٹ کمانڈ سنبھال لی، سبکدوش کمانڈر عارف اللہ حسینی نے کمانڈ کلیم شوکت کے سپرد کی، رئیرایڈمرل کلیم شوکت کو گارڈآف آنر پیش کیا گیا۔
ترجمان پاک بحریہ کا کہنا ہے کہ بحیثیت کمانڈر کراچی رئیرایڈمرل کلیم شوکت آپریشنل کمانڈر ہوں گے۔
خیال رہے کہ رئیر ایڈمرل کلیم شوکت نے 1982 میں پاک بحریہ میں کمیشن حاصل کیا، پاکستان فلیٹ ڈپٹی چیف آف نیول اسٹاف (آپریشنز)، کمانڈر ٹاسک فورس 151رہ چکےہیں جبکہ کمانڈنٹ پی این وار کالج کی ذمہ داریاں بھی سر انجام دے چکے ہیں۔
