تازہ ترین

فیض آباد دھرنا : انکوائری کمیشن نے فیض حمید کو کلین چٹ دے دی

پشاور : فیض آباد دھرنا انکوائری کمیشن کی رپورٹ...

حکومت نے پیٹرولیم مصنوعات کی قیمتوں میں اضافہ کردیا

حکومت کی جانب سے پیٹرولیم مصنوعات کی نئی قیمتوں...

سعودی وزیر خارجہ کی قیادت میں اعلیٰ سطح کا وفد پاکستان پہنچ گیا

اسلام آباد: سعودی وزیر خارجہ شہزادہ فیصل بن فرحان...

حکومت کل سے پٹرول مزید کتنا مہنگا کرنے جارہی ہے؟ عوام کے لئے بڑی خبر

راولپنڈی : پیٹرول کی قیمت میں اضافے کا امکان...

نئے قرض کیلئے مذاکرات، آئی ایم ایف نے پاکستان کے لیے خطرے کی گھنٹی بجادی

واشنگٹن : آئی ایم ایف کی منیجنگ ڈائریکٹر کرسٹیلینا...

سعودی عرب کا پاکستان کے ساتھ ٹیکنالوجی تعاون کا معاہدہ

ریاض: سعودی عرب پاکستان کے ساتھ ٹیکنالوجی اور پیشہ ورانہ ٹریننگ سے متعلق مفاہمتی یادداشت پر دستخط کرے گا، معاہدے کے تحت دونوں ممالک میں ٹیکنالوجی تعاون کو فروغ دیا جائے گا۔

اردو نیوز کے مطابق سعودی کابینہ نے ٹیکنالوجی اور پیشہ ورانہ ٹریننگ کے حوالے سے پاکستان کے ساتھ مذاکرات اور مفاہمتی یادداشت پر دستخط کا اختیار وزیر تعلیم کو تفویض کیا ہے۔

کابینہ کا اجلاس منگل کو شاہ سلمان بن عبدالعزیز کی زیر صدارت جدہ کے قصر السلام میں ہوا جس میں کئی فیصلوں کی منظوری دی گئی۔

کابینہ نے کرونا بحران پر ہنگامی صحت صورتحال کے خاتمے کے حوالے سے کہا کہ سعودی عرب وباؤں سے نمٹنے کے سلسلے میں عالمی برادری کے لیے ایک مثال رہا ہے۔

کابینہ نے وزیر تعلیم کو، جو ٹیکنالوجی اور پیشہ وارانہ ٹریننگ کے قومی ادارے کی مجلس انتظامیہ کے سربراہ بھی ہیں، پاکستان میں ٹیکنالوجی اور پیشہ ورانہ ٹریننگ کے قومی ادارے کے ساتھ مفاہمتی یادداشت پر دستخط کی ہدایت کی ہے۔

کابینہ نے اس حوالے سے مذاکرات اور دونوں ممالک کے متعلقہ اداروں کے درمیان مفاہمتی یادداشت کا اختیار بھی تفویض کیا ہے۔

چین کے ساتھ ہائی کمیشن کی تشکیل سے متعلق ضمنی پروٹوکول،، فرانس کے ساتھ سٹریٹجک شراکت کے لیے مذاکرات اور مفاہمتی یادداشت کا اختیار وزیر خارجہ کو دیا گیا۔

ترکی کے ساتھ سماجی خدمات کے سلسلے میں تعاون کی مفاہمتی یادداشت کا اختیار وزیر افرادی قوت و سماجی بہبود کو تفویض کیا گیا۔

انڈونیشیا کے ساتھ سیاحت کے شعبے میں تعاون کی مفاہمتی یادداشت کی بھی منظوری دی گئی ہے۔

کابینہ نے بحیرہ احمر کی قومی حکمت عملی اور معاشرے کے فروغ کے لیے سخا پروگرام قائم کرنے اور سعودی سرحدوں کی نگرانی کے لیے سیٹلائٹس کے ذریعے ریڈیو مانیٹرنگ کے مربوط انفراسٹرکچر کے قیام کی اصولی منظوری بھی دی۔

Comments

- Advertisement -