کراچی : گاڑیاں بنانے والی بڑی کمپنی پاک سوزوکی نے پاکستان میں پلانٹ آپریشنز بند کرنے کا اعلان کردیا۔
تفصیلات کے مطابق پاکستان کی کارساز کمپنی نے آپریشنز بند کرنے کا اعلان کر دیا، اس حوالے سے کمپنی نے پاکستان اسٹاک مارکیٹ کی ویب سائٹ پر اعلامیہ جاری کر دیا ہے۔
اعلامیے کے مطابق کمپنی کا کہنا ہے کہ خام مال کی عدم دستیابی کی وجہ سے پلانٹ جاری نہیں رکھا جا سکتا، اس لیے 9 نومبر سے 14 نومبر تک پلانٹ بند رکھا جائے گا۔
یاد رہے کے اس سے قبل پاکستان میں کار بنانے والی ایک اور کمپنی نے بھی اپنے پلانٹ بند کرنے کا اعلان کیا تھا، ٹویوٹا کار تیار کرنے والی کمپنی انڈس موٹرز 17 اکتوبر سے 17 نومبر تک آپریشنز بند رکھے گی۔
