The news is by your side.

Advertisement

پاکستان اور آسٹریلوی ٹیم کو سیکیورٹی کلیئرنس مل گئی

کراچی: پاکستان اور آسٹریلیا کی کرکٹ ٹیمیں سیکیورٹی کلیئرنس ملنے پر ایئرپورٹ سے ہوٹل روانہ ہو گئیں۔

دوسرے ٹیسٹ کے لیے دونوں ٹیمیں راولپنڈی سے سہ پہر 3 بجے کراچی کے انٹرنیشنل ایئرپورٹ پر پہنچیں تاہم شہر میں وی آئی پی موومنٹ کی وجہ سے انہیں روک دیا گیا۔

دونوں ٹیمیں 2 گھنٹے انتظار کے بعد ایئرپورٹ سے مقامی ہوٹل روانہ ہو گئیں ٹیموں کو سخت سیکورٹی حصار میں مقامی ہوٹل پہنچایا گیا۔

شہر میں وی آئی پی موومنٹ کے باعث ٹیموں کو سیکیورٹی کلیئرنس نہیں ملی تھی۔

پاکستان اور آسٹریلیا کے مابین “بینو قادر ٹرافی “سیریز کیلئے 3میچوں کی سیریز کا پہلا میچ بغیر کسی نتیجے کے ختم ہو گیا تھا، ٹیسٹ میچ کے پانچ روز کے دوران صرف 14 وکٹیں گری تھیں۔

سیریز کا دوسرا میچ 12 مارچ سے کراچی میں کھیلا جائے گا جب کہ تیسرا اور آخری ٹیسٹ 21 مارچ سے لاہور میں شروع ہوگا۔

Comments

یہ بھی پڑھیں