لندن : انگلینڈ نے پاکستان کے خلاف دوسرے ٹیسٹ کیلئے چودہ رکنی ٹیم کا اعلان کردیا ہے، فاسٹ بولر جیمز اینڈرسن کی واپسی ہوئی ہے۔
بائیس جولائی سے مانچسٹر میں شروع ہونے والے دوسرے ٹیسٹ کیلئے انگلینڈ نے چودہ رکنی اسکواڈ کا اعلان کردیا ہے، انجرڈ فاسٹ بولر جیمز اینڈرسن اورآل راؤنڈر بین اسٹوکس کی واپسی ہوئی ہے۔
الیسٹر کک ٹیم کی قیادت کریں گے جبکہ دوسرے کھلاڑیوں میں ایلکس ہیلز ، جو روٹ، جیمز وینس، گیری بیلنچ، بن سٹوکس، جونی بیئر سٹو، معین علی، عادل رشید، کرس ووکس ، سٹورٹ براڈ، جیمز اینڈرسن ، سٹیون فن ، جیک بال شامل ہیں۔
یاسرشاہ کی گیندوں کو اسپین ہوتا دیکھ کر انگلش نے بھی اسکواڈ میں لیگ اسپنر کو شامل کرلیا ہے جبکہ دوسرے میچ میں عادل رشید انگلش اسکواڈ کا حصہ ہوں گے۔
