قومی ٹیم کے فاسٹ بولر محمد عامر نے بھارت کی جانب سے دیے گئے 120 رنز کے ہدف کو چیلنجنگ قرار دے دیا۔
بھارتی اننگز کے بعد گفتگو کرتے ہوئے انہوں نے کہا کہ پچ بیٹنگ کےلیے بہت مشکل ہے بھارت نے اچھا ہدف دیا ہے ہم نے اچھی بالنگ کی لیکن بھارت نےاس پچ پر اچھا اسکور بنایا ہے۔
محمد عامر نے کہا کہ ہمیں ہدف حاصل کرنے کے لیے ذمہ داری سے بیٹنگ کرنی پڑے گی۔
میچ سے قبل سابق کرکٹر باسط علی نے بھارت کے خلاف ٹاس جیتنے پر کہا ہے کہ ہم ٹاس جیت چکے اب بالرز کا فرض ہےکہ بہترین کھیلیں۔
نیویارک میں ورلڈکپ ٹی ٹوئنٹی ورلڈکپ کے ہائی وولٹیج مقابلے میں پاکستانی کپتان بابراعظم نے ٹاس جیتا اور بولرز کے لیے سازگار کنڈیشنز میں پہلے بولنگ کرنے کو ترجیح دی۔
اے آر وائی نیوز کے پروگرام میں گفتگو کرتے ہوئے باسط علی نے کہا کہ ناساؤ اسٹیڈیم میں 135رنز کا ہدف بھی بڑا ہو گا اور شروع کے 6 اوورز میں بیٹنگ لائن کو سنبھال کر رکھنا ہوگا اب ہمارے پاس میچ کو کنٹرول کرنے کی گنجائش ہے۔