کراچی : قومی ٹیم کے سابق ٹیسٹ کرکٹر تنویر احمد نے کہا ہے کہ پاکستان اور بھارت کے درمیان کھیلا جانے والا میچ بہت دلچسپ تھا، جیت صرف انڈیا کی نہیں پاکستان کی بھی ہوئی۔
اے آر وائی نیوز کے پروگرام میں خصوصی گفتگو کرتے ہوئے انہوں نے کہا کہ کیا آئندہ ہونے والے میچ میں بھی ایسی ہی پچ بنائی جائے گی جیسے یہ پچ تھی جو بالر اور بیٹسمین دونوں کیلئے سازگار تھی؟
ان کا کہنا تھا کہ ون سائیڈڈ میچ نہیں ہوا پاکستان ٹیم نے بہت جان مار کر کھیلا لیکن نسیم کو مشکلات پیش آرہی تھیں ان پر قابو پانے کی ضرورت ہے۔
پروگرام میں گفتگو کرتے ہوئے اے آر وائی نیوز کے اسپورٹس رپورٹر شعیب جٹ کا کہنا تھا کہ قومی ٹیم نے44ڈاٹ بالز کھیلیں یعنی7.2اوورز ضائع کیے۔
شعیب جٹ نے کہا کہ میرے نزدیک نسیم سے اوور نہیں کروانا چاہیے تھا، ہپر اوور کے بعد وہ گررہا تھا اس کے علاوہ حارث روف ردھم میں نظر نہیں آرہے تھے۔
دوسری جانب دبئی میچ میں بھارت کے ہاتھوں سنسنی خیز مقابلے بعد کپتان بابراعظم نے قوم کو شکست کی وجوہات بتا دیں۔
مزید پڑھیں : بابراعظم نے بھارت سے شکست کی وجوہات بتا دیں
میچ کے اختتام پر میڈیا سے گفتگو کرتے ہوئے بابراعظم نے کہا کہ ہم نے 10 سے 15 رنز کم کیے جب کہ شاہین آفریدی کی کمی بھی محسوس ہوئی۔
انہوں نے کہا کہ آخری اوور میں15رنز بھی بچتے تو نتیجہ مختلف ہوتا لیکن پانڈیا نے میچ اچھا فنش کیا۔
