جوہانسبرگ: قومی ون ڈے اسکواڈ کے کھلاڑی براستہ دبئی پاکستان کیلئے روانہ ہو گئے۔
جنوبی افریقا کے خلاف کامیاب ون ڈے سیریز کے اختتام پر شاہین شاہ آفریدی، حارث رؤف، سفیان مقیم، طیب طاہر ، عثمان خان ، ابرار احمد ، عرفان خان اور محمد حسنین پاکستان روانہ ہوئے۔
ون ڈے اسکواڈ میں شرکت کرنیوالے باقی کھلاڑیوں نے ٹیسٹ اسکواڈ کو جوہانسبرگ میں جوائن کر لیا ہے۔
- Advertisement -
ٹیسٹ اسکواڈ جوائن کرنے والوں میں بابر اعظم ، محمد رضوان ، صائم ایوب، نسیم شاہ، سلمان علی آغا ، کامران غلام اور عبداللہ شفیق شامل ہیں۔
قومی ٹیسٹ اسکواڈ کل سنچورین میں پریکٹس کرے گا۔ ٹیسٹ اسکواڈ مقامی وقت کے مطابق ساڑھے 12بجے پریکٹس شروع کرے گا۔
پاکستان اور جنوبی افریقا کے درمیان پہلا ٹیسٹ میچ 26دسمبر کو شروع ہو گا۔
