کنگسٹن : پاکستان اور ویسٹ انڈیز کی کرکٹ ٹیموں کے درمیان کھیلے جانے والے ٹیسٹ میچ کی پہلی اننگز میں ہی قومی ٹیم سخت حالات سے دوچار ہوگئی۔
ویسٹ انڈیز کے خلاف پہلے ٹیسٹ میچ میں پاکستان کی ٹیم کو مشکلات کا سامنا کرنا پڑا اور پوری ٹیم پہلی اننگز میں صرف 217 رنز کے اسکور پر ڈھیر ہوگئی۔
بعدازاں ویسٹ انڈیز کے ٹیم نے 215 رنز پر ٹریل کیا تو پہلادن کا کھیل ختم ہونے تک صرف 4 اوورز میں 2 رنز کے اسکور پر ان کے 2 کھلاڑی آؤٹ ہوچکے تھے۔
کنگسٹن میں کھیلے جا رہے سیریز کے پہلے ٹیسٹ میچ میں ویسٹ انڈیز نے ٹاس جیت کر پاکستان کو بیٹنگ کی دعوت دی تھی۔ پاکستان نے اننگز کا آغاز کیا تو کیماروچ نے 11 رنز بنانے والے عمران بٹ کی وکٹیں بکھیر دیں۔
ابھی قومی ٹیم اس نقصان سے سنبھلی بھی نہ تھی کہ اگلے ہی اوور میں جیڈن سیلز نے عابد علی کو چلتا کر کے پاکستان کو دوسرا نقصان پہنچایا۔
تجربہ کار بلے باز اظہر علی اور بابر اعظم نے مزید کسی نقصان کے بغیر اسکور 34 تک پہنچایا ہی تھا کہ میچ میں بارش نے مداخلت کردی۔ جس کے سبب کھیل روکا گیا تو پاکستان نے دو وکٹوں کے نقصان پر 34رنز بنائے تھے۔
بارش کے بعد میچ دوبارہ شروع ہوا تو پاکستانی بلے باز کو رنز بنانے میں مشکلات کا سامنا کرنا پڑا، اس 47 رنز کی شراکت کا خاتمہ اس وقت ہوا جب اظہر علی 17 رنز بنا کر پویلین لوٹ گئے۔
پاکستان کو بڑا دھچکا اس وقت لگا جب اسکور میں بغیر کسی اضافے کے کپتان بابراعظم بھی 30 رنز بنا کر چلتے بنے۔
بعدازاں فواد عالم کی فہیم اشرف کے ساتھ 85 رنز کی پارٹنر شپ نے ٹیم کو کچھ سنبھالا دیا، فواد عالم 56 رنز بنا کر ٹاپ اسکورر رہے میچ کے لیے دونوں ٹیمیں ان کھلاڑیوں پر مشتمل ہیں۔
پاکستان: بابراعظم(کپتان)، عابد علی، عمران بٹ، اظہر علی، فواد عالم، محمد رضوان، فہیم اشرف، حسن علی، یاسر شاہ، محمد عباس اور شاہین شاہ آفریدی۔
ویسٹ انڈیز: کریگ بریتھ ویٹ(کپتان)، کیرن پاول، نکومورا بونر، کائل میئرز، روسٹن چیز، جرمین بلیک وُڈ، جوشوا ڈی سلوا، جیسن ہولڈر، کیماروچ، جیڈن سیلز اور جومیل ویریکن۔
یاد رہے کہ دونوں ٹیموں کے درمیان ٹی20 سیریز کے تین میچ بارش کے نذر ہو گئے تھے اور پاکستان نے سیریز میں 0-1 سے کامیابی حاصل کر لی تھی۔
