The news is by your side.

Advertisement

پاک ویسٹ انڈیز ون ڈے میچز سے متعلق اہم فیصلہ

ملک بھر میں جاری ہیٹ ویو کی لہر پاک ویسٹ انڈیز سیریز پر بھی اثر انداز ہوگئی۔

اے آر وائی نیوز کے مطابق ملک بھر میں جاری ہیٹ ویو کی لہر کے باعث پاکستان اور ویسٹ انڈیز کے ون ڈے میچز کے اوقات میں تبدیلی کا فیصلہ کیا گیا ہے۔

ذرائع کے مطابق دونوں ٹیموں کے درمیان ون ڈے میچز شام چار بجے شروع ہوں گے جبکہ پہلے میچز ڈھائی بجے شروع ہونے تھے۔

ہیٹ ویو سے کھلاڑیوں کو بچانے کے لیے پی سی بی ڈرنک بریک اور کولنگ کالر کے انتظامات بھی کرے گا۔

واضح رہے کہ پاک ویسٹ انڈیز ون ڈے سیریز کا آغاز 8 جون سے ہوگاجبکہ دوسرا ون ڈے 10 اور تیسرا 12 جون کو کھیلا جائے گا۔

عموماً ڈے اینڈ نائٹ ون ڈے میچز دوپہر 2 بجے شروع کیے جاتے ہیں لیکن حالیہ ہیٹ ویو کے تحت تینوں ایک روزہ میچز شام چار بجے شروع ہوں گے۔

اس سے قبل 2012 میں بھی پاکستان نے آسٹریلیا کے خلاف ایک روزہ سیریز کے میچز شام 6 بجے شروع کروانے کا فیصلہ کیا تھا، پاکستان اور آسٹریلیا نے 2012 میں عرب امارات میں ایک روزہ سیریز کھیلی جس کے میچز شام 6 سے رات 1:45 تک کھیلے گئے تھے۔

Comments

یہ بھی پڑھیں