کولمبو: پاکستان نے بھارت کو 128 رنز سے شکست دے کر مسلسل دوسری بار ایمرجنگ ایشیا کپ کا ٹائٹل جیت لیا۔
کولمبو میں کھیلے گئے فائنل میچ میں پاکستان کی جانب سے دیے گئے 353 رنز کے تعاقب میں بھارتی ٹیم 40 اوورز میں 224 رنز پر ڈھیر ہوگئی۔
ابھیشیک شرما کی 61 رنز کی اننگز بھی بھارت کے کام نہ آسکی، سائے سدھرسن نے 29 رنز بنائے، کپتان یش دھل کو سفیان مقیم نے 39 رنز پر پویلین روانہ کیا۔
Pakistan Shaheens defend their #ACCMensEmergingTeamsAsiaCup title #BackTheBoysInGreen pic.twitter.com/ReP9mJnEra
— Pakistan Cricket (@TheRealPCB) July 23, 2023
نشانت سندھو 10 رنز بنا کر مبصر خان کا نشانہ بنے، نکن جوز 11 رنز بنا کر آؤٹ ہوئے، ریان پراگ 14 رنز بنا کر چلتے بنے۔
پاکستان کی جانب سے سفیان مقیم نے تین کھلاڑیوں کو پویلین کی راہ دکھائی، مہران ممتاز، محمد وسیم اور ارشد اقبال نے دو، دو وکٹیں حاصل کی جبکہ مبصر خان نے ایک وکٹ حاصل کی۔
Sufiyan Muqeem gets his third wicket of the night! 🌟
Pakistan Shaheens are just 2️⃣ wickets away from winning the final 💫#ACCMensEmergingTeamsAsiaCup | #BackTheBoysInGreen pic.twitter.com/d11gXQ3DNa
— Pakistan Cricket (@TheRealPCB) July 23, 2023
اس سے قبل پاکستان نے پہلے بیٹنگ کرتے ہوئے مقررہ اوورز میں 8 وکٹوں کے نقصان پر 352 رنز بنائے تھے اور بھارت کو جیت کے لیے 353 رنز کا ہدف دیا تھا۔
طیب طاہر نے شاندار سنچری اسکور کی اور 108 رنز کی اننگز کھیلی۔ ان کی اننگز میں 12 چوکے اور چار بلند و بالا چھکے شامل تھے۔
Tayyab Tahir’s belligerent ton and fifties from the opening duo power Pakistan Shaheens to 3️⃣5️⃣2️⃣-8️⃣ 🏏#ACCMensEmergingTeamsAsiaCup | #BackTheBoysInGreen pic.twitter.com/4B1HbD2gs3
— Pakistan Cricket (@TheRealPCB) July 23, 2023
صائم ایوب نے 59 رنز کی اننگز کھیلی، صاحبزادہ فرحان 65 رنز کے ساتھ نمایاں رہے۔
مبصر خان نے 35 رنز بنائے، عمیر یوسف بھی 35 رنز بنا کر آؤٹ ہوئے، محمد حارث 2 رنز بنا کر پویلین لوٹ گئے۔
بھارت کی جانب سے ریان پراگ اور راج وردھن نے دو، دو وکٹیں حاصل کیں۔
