اسلام آباد: پاک افغان دو طرفہ تجارت میں سالانہ بنیاد پر 16 فیصدکمی ریکارڈ کی گئی۔

ذرائع وزارت تجارت کے مطابق دسمبر میں پاک افغان دو طرفہ تجارت میں بڑی کمی ریکارڈ کی گئی، تجارت میں ماہانہ بنیاد پر 28 فیصد جبکہ سالانہ بنیاد پر دونوں ممالک میں دو طرفہ تجارت میں 16فیصد کمی ریکارڈ کی گئی۔

ذرائع کا کہنا تھا کہ گزشتہ ماہ پاک افغان دو طرفہ تجارت کا حجم 12کروڑ 52 لاکھ ڈالرز رہا،گزشتہ ماہ ماہانہ بنیاد پر افغانستان کیلئے برآمدات میں 22 فیصد کمی ہوئی۔

ذرائع وزارت تجارت کے مطابق دسمبر میں سالانہ بنیاد پر افغانستان کیلئے برآمدات میں7 فیصد کمی ریکارڈ کی گئی، افغانستان کیلئے پاکستانی برآمدات کا حجم 8 کروڑ 64 لاکھ ڈالرز رہا۔

 ذرائع نے بتایا کہ نومبر 2023 میں افغانستان کیلئے پاکستانی برآمدات 11 کروڑ ڈالرز سے زائد تھیں جبکہ دسمبر 2022 میں افغانستان کیلئے پاکستانی برآمدات کا حجم 9 کروڑ 27 لاکھ ڈالرز تھا۔

ذرائع کے مطابق گزشتہ ماہ افغانستان سے ماہانہ بنیاد پر درآمدات میں 39 فیصد کمی ہوئی جبکہ  سالانہ بنیاد پر درآمدات میں 32 فیصد کمی ہوئی، گزشتہ ماہ افغانستان سے پاکستانی درآمدات 3 کروڑ 88 لاکھ ڈالرز رہیں۔