ورلڈکپ2023 کے اپنے پہلے میچ میں پاکستان کا 3 فاسٹ بولرز کےساتھ کھیلنےکا امکان ہے۔
قومی ٹیم کل نیدرلینڈ کے خلاف ورلڈکپ مہم کا آغاز کرے گی جس کے لیے ٹیم نے بھرپور تیاری کی ہے۔ ذرائع کے مطابق پاکستان اپنے مکمل پیس اٹیک کے ساتھ میدان میں اترے گا۔ شاہین شاہ، حسن اور حارث رؤف فاسٹ بولنگ سنبھالیں گے۔
اسپنرز میں شاداب، نواز اور افتخار کھیلیں گے جب کہ سعود شکیل کو سلمان آغا پر ترجیح دی جا رہی ہے۔
نیدرلینڈز کے خلاف ٹیم کا اعلان کب کریں گے؟ مکی آرتھر نے بتادیا
قومی ٹیم کے ڈائریکٹر مکی آرتھر نے میڈیا سے گفتگو کرتے ہوئے کہا کہ ورلڈ کپ میچز کا دباؤ کسی بھی ٹیم پر بہت زیادہ ہوتا ہے، ہمارا ورلڈ کپ اسکواڈ 2019 کے ایونٹ سے ملتا جلتا ہے۔
انہوں نے کہا کہ حیدرآباد کی پچ وارم اپ میچز کی طرح ہی ہے، میں سمجھتا ہوں کہ ہمارا بولنگ اٹیک دنیا میں بہترین ہے۔ مکی آرتھر نے کہا کہ بابر اور رضوان زبردست کھلاڑی ہیں باقی کھلاڑی بھی اچھی کرکٹ کھیل رہے ہیں۔
