The news is by your side.

Advertisement

پاک فضائیہ کا تربیتی طیارہ حادثے کا شکار

اسلام آباد: میانوالی کے قریب پاک فضائیہ کا تربیتی طیارہ گر کر تباہ ہوگیا۔

ترجمان پاک فضائیہ کی جانب سے جاری بیان میں کہا گیا کہ پاک فضائیہ کا تربیتی طیارہ معمول کے تربیتی مشن کے دوران میانوالی کے قریب گر کر تباہ ہوگیا تاہم پائلٹ پیراشوٹ کے ذریعے زمین پر اترنے میں کامیاب رہا۔

ترجمان نے بتایا کہ زمین پر کسی جانی و مالی نقصان کی اطلاع نہیں ملی، ائیر ہیڈ کوارٹرز نے واقعے کی وجوہات جاننےکے لیے بورڈ آف انکوائری تشکیل دے دی ہے۔واضح رہے کہ رواں سال تربیتی طیارے کا یہ دوسرا حادثہ ہے اس سے قبل بائیس مارچ کو پشاور کے قریب پاک فضائیہ کا تربیتی طیارہ گر کر تباہ ہوگیا اور طیارے میں موجود دونوں پائلٹ شہید ہوگئے تھے۔

یہ بھی پڑھیں: ‏پاک فضائیہ کا تربیتی طیارہ گر کر تباہ، 2 پائلٹ شہید

سال دو ہزار اکیس کے ماہ اگست میں بھی پنجاب کے ضلع اٹک کے نزدیک پاک فضائیہ کا تربیتی لڑاکا طیارہ گر کر تباہ ہوا تھا تاہم خوش قسمتی سے پائلٹ بحفاظت جہاز سے نکلنے میں کامیاب ہوگیا تھا۔

Comments

یہ بھی پڑھیں