اسلام آباد : پاک فضائیہ کے دستے نے مزاراقبال پرگارڈ ڈیوٹیزسنبھال لیں جبکہ پاک فضائیہ کے تمام بیسز اور تنصیبات پر یوم پاکستان روایتی جوش و جذبے سے منایا گیا۔
تفصیلات کے مطابق ترجمان پاک فضائیہ کی جانب سے بیان میں کہا گیا ہے کہ پاک فضائیہ کے تمام بیسز ،تنصیبات پر یوم پاکستان روایتی جوش و جذبے سے منایاگیا، تقریبات کاآغازپاکستان،عالم اسلام کی یکجہتی،ترقی وخوشحالی کیلئےدعاؤں سےکیاگیا۔
ترجمان نے کہا کہ پاک فضائیہ کےچاق و چوبند دستےنےمزاراقبال پرستلج رینجرزکی جگہ گارڈڈیوٹیزسنبھال لیں ، ایئر وائس مارشل سید عمران ماجد علی، ایئر آفیسر کمانڈنگ، پی اےایف ایئرمین اکیڈمی،کورنگی کریک نے مزاراقبال پر حاضری دی۔
ترجمان پاک فضائیہ کا کہنا تھا کہ ایئروائس مارشل نےسربراہ پاک فضائیہ،ایئرمین اورسویلینزکی جانب سےمزاراقبال پرپھولوں کی چادر رکھی اور فاتحہ خوانی کی ، اس موقع پر بیس کمانڈرپی اےایف بیس لاہورایئرکموڈورتنویراحمدبھی گارڈزکی تعیناتی پرموجود تھے۔
