ترجمان امریکی محکمہ خارجہ ٹیمی بروس نے کہا ہے کہ صدر ٹرمپ ایک پرامن دنیا چاہتے ہیں صدر ٹرمپ امریکی امنگوں کےمطابق امن کیلئے کام کر رہے ہیں صدر دنیا بھر میں جاری تمام تنازعات کا خاتمہ چاہتےہیں کسی بھی تنازع میں فریقین کو مذاکرات پر لانا آسان ہے۔
ترجمان امریکی محکمہ خارجہ ٹیمی بروس سے پاکستان بھارت کشیدگی پر سوال کیا تو انہوں نے جواب میں کہا کہ پاکستان بھارت تنازع ایک متحرک اور سنجیدہ مسئلہ ہے پاکستان بھارت کشیدگی کی وجہ سےایک ابھرتی صورتحال بنی ہوئی ہے ہم اب بھی پاکستان بھارت کشیدہ صورتحال کی نگرانی کر رہے ہیں۔
ترجمان نے کہا کہ پاکستان اور بھارت پر زور دیتے ہیں کہ ذمہ دارانہ حل کےلیے کام کریں ایسا حل جو جنوبی ایشیا میں طویل مدتی امن اور علاقائی استحکام کو برقرار رکھے، پاکستان اور بھارت کی حکومتوں کےساتھ متعدد سطح پر رابطے میں ہیں تمام صورتحال سے واقف ہیں۔
ان کا کہنا تھا کہ حوثیوں نے کہا ہے اب وہ بحری جہازوں پر حملہ نہیں کریں گے امریکا بھی حوثیوں کو نشانہ نہیں بنائےگا، عمان کی ثالثی میں ایک اہم معاہدہ طے پایا ہے معاہدہ کےتحت کمرشل بحری جہازوں کی آزادانہ نقل وحرکت ہوگی۔
