اسلام آباد: پولیو کے خاتمے کے لیے پاکستان اور جاپان کے درمیان امداد سے متعلق معاہدہ طے پا گیا، جاپان پاکستان کو انسدادِ پولیو مہم کے لیے 510 ملین ین دے گا۔
تفصیلات کے مطابق جاپان نے پاکستان میں پولیو کے خاتمے کے لیے 510 ملین ین امداد دینے کا اعلان کر دیا ہے، اس سلسلے میں دونوں ممالک کے مابین ایک معاہدہ بھی طے پا گیا ہے۔
[bs-quote quote=”جاپانی امداد انسدادِ پولیو ویکسین کی خریداری پر خرچ ہوگی۔” style=”style-7″ align=”left” color=”#dd3333″ author_job=”ترجمان وزارتِ صحت”][/bs-quote]
وزارتِ صحت کے ترجمان کا کہنا ہے کہ معاہدے کے سلسلے میں وزارتِ صحت میں تقریب کا انعقاد ہوا جس میں مفاہمتی یاد داشت پر دستخط کیے گئے۔
تقریب میں جاپانی سفیر، یونی سیف اور جائیکا کے نمائندوں نے شرکت کی۔
ترجمان وزارتِ صحت کے مطابق جاپانی امداد انسدادِ پولیو ویکسین کی خریداری پر خرچ ہوگی۔
اس موقع پر جاپانی سفیر نے کہا کہ جاپان پاکستان سے پولیو کے خاتمے کے لیے ہر ممکن تعاون کر رہا ہے، اور ہر ممکن تعاون فراہم کرے گا۔
یہ بھی پڑھیں: پاکستان کوپولیو فری ملک بنانے کیلئے ہر ممکن اقدامات کیے جائیں گے، وزیراعظم عمران خان
وزیرِ صحت عامر کیانی کا کہنا تھا کہ وزیرِ اعظم عمران خان ملک سے پولیو کے خاتمے کے لیے پُر عزم ہیں، ہم پولیو کے خلاف جنگ میں تعاون پر جاپان کے شکر گزار ہیں۔
عامر کیانی نے مزید کہا کہ پاکستان دوستوں کے تعاون سے پولیو کے خاتمے کے قریب پہنچ چکا ہے، پاکستان کو پولیو سے پاک کرنے کی ہر ممکن کوشش کریں گے۔
اس موقع پر وزیرِ اعظم کے فوکل پرسن برائے پولیو بابر بن عطا نے کہا کہ انسدادِ پولیو پروگرام کی کام یابیوں پر فخر ہے، جاپان نے پولیو کے خاتمے کے لیے پاکستان کا بھرپور ساتھ دیا، حکومت ملک میں پولیو وائرس روکنے کے لیے پُر عزم ہے۔
