The news is by your side.

Advertisement

پاکستان اور قطر کے درمیان ایل این جی کا ا ہم معاہدہ طے پا گیا

اسلام آباد : پاکستان اور قطر کےدرمیان ایل این جی کااہم معاہدہ طے پاگیا ، معاہدے کے تحت قطرپاکستان کو10سال کیلئے3ملین ٹن ایل این جی فراہم کرے گا۔

تفصیلات کے مطابق پاکستان اور قطر کےدرمیان ایل این جی معاہدے کی تقریب کا انعقاد کیا گیا ، وزیرتوانائی عمر ایوب اور قطر کے وزیر توانائی نے معاہدے پر دستخط کئے، وزیراعظم عمران خان بھی معاہدے کی تقریب میں شریک تھے۔

معاہدے کے تحت قطرپیٹرولیم کے بجائے قطرگیس کمپنی پاکستان کو10سال کیلئے 3ملین ٹن ایل این جی فراہم کرے گا۔

مشیر پیٹرولیم ندیم بابر کا کہنا ہے کہ معاہدےسے باہمی تعلقات کے نئے دور کا آغاز ہوگا اور اقتصادی تعاون کی نئی راہیں کھلیں گے ، قطر کیساتھ ایل این جی کا بہترین معاہدہ وزیراعظم کی قیادت میں طے پایا ، قطر سے ایل پی جی اور پیٹروکیمیکلز کے حصول کیلئے بھی معاہدے ہوں گے۔

اس موقع پر وزیرتوانائی قطرسعدانقلابی نے کہا کہ پاکستان اور قطر کےدرمیان ایل این جی سےمتعلق معاہدہ تاریخی ہے ، مختلف شعبوں میں باہمی مفاد کیلئے مزید تعاون کو بھی فروغ ملے گا۔

Comments

یہ بھی پڑھیں