پاکستان نے زمبابوے کے خلاف 15رکنی اسکواڈ کا اعلان کر دیا
قومی ٹیم کے باصلاحیت بلے باز بابراعظم کپتان ہوں گے
لاہور: پاکستان نے زمبابوے کے خلاف پہلے ایک روزہ میچ کے لیے 15 رکنی اسکواڈ کا اعلان کردیا، قومی ٹیم کے باصلاحیت بلے باز بابراعظم کپتان ہوں گے۔
تفصیلات کے مطابق پاکستان کرکٹ ٹیم کے اسکواڈ میں بابراعظم کپتان، امام الحق، عابد علی، فخر زمان، حارث سہیل، محمد رضوان، افتخار احمد، خوشدل شاہ، فہیم اشرف، عماد وسیم اور عثمان قادر موجود ہیں۔
15 member squad for the first #PAKvZIM ODI
Imam ul Haq
Abid Ali
Fakhar Zaman
Babar Azam (c)
Haris Sohail
Mohammad Rizwan (wk)
Iftikhar Ahmed
Khushdil Shah
Faheem Ashraf
Imad Wasim
Usman Qadir
Wahab Riaz
Shaheen Shah Afridi
Haris Rauf
Musa Khan#HarHaalMainCricket pic.twitter.com/o1wy8ycYKQ— Pakistan Cricket (@TheRealPCB) October 29, 2020
اسی طرح وہاب ریاض، شاہین شاہ آفریدی، حارث رؤف اور موسیٰ خان کو بھی ٹیم میں شامل کیا گیا ہے۔
زمبابوے اور پاکستان کے درمیان پہلا ون ڈے کل راولپنڈی کرکٹ اسٹیڈیم میں کھیلا جائے گا۔
کپتان بابراعظم کا کہنا ہے کہ کوشش یہی ہے کہ اچھا کمبی نیشن کھلائیں، زمبابوے کے خلاف کھیلنے سے اعتماد بحال ہوگا، تمام تر توجہ ون ڈے کرکٹ پر مرکوز ہے، ہم نے بیک ٹو بیک سیریز کھیلنی ہے۔
انہوں نے کہا کہ کسی بھی ٹیم کو آسان نہیں سمجھتے، ہمارا مقصد ایک سو دس فیصد پرفارمنس دینا ہے، ٹی ٹوئنٹی میں جارحانہ کھیلنا پڑتا ہے، ون ڈے کرکٹ میں بطور کپتان پہلی سیریز ہے۔
ان کا مزید کہنا تھا کہ نوجوان بیٹسمینوں کی پرفارمنس قابل ستائش ہے، انگلینڈ اور دیگر ٹیموں کی طرح زمبابوے کو سخت حریف سمجھتے ہیں، ٹی ٹوئنٹی کے بعد ون ڈے کی قیادت سنبھالنا اعزاز کی بات ہے۔
