اسلام آباد : پاکستان آرمی 72 گھنٹوں سے ترکیہ میں ریسکیوآپریشن میں مصروف عمل ہے، ٹیموں نے ملبے تلے دبے 5 اور افراد کو زندہ بچالیا۔
تفصیلات کے مطابق مشکل گھڑی میں پاکستان آرمی ترکیہ کے بہن بھائیوں کی امداد میں پیش پیش ہیں۔
پاکستان آرمی 72 گھنٹوں سے ترکیہ میں ریسکیوآپریشن میں مصروف عمل ہے، پاکستان آرمی کی ریسکیوٹیمیں امدادی سرگرمیوں کیلئے سب سےپہلےترکیہ پہنچیں۔
پاک آرمی کاترکیہ کےصوبے ادیامان میں 17مقامات پرریسکیواینڈسرچ آپریشن جاری ہے ، اس دوران ریسکیوٹیموں نےگزشتہ 72گھنٹوں میں ملبےتلےدبے5اور افرادکوزندہ بچا لیا۔
پاک آرمی کی ریسکیو ٹیموں نے 41 مزیدلاشیں ملبے سے نکال کرورثاء کے حوالے کیں۔
پاک آرمی نےملبےتلے دبے 4 زندہ افرادکی نشاندہی بھی کی، جنہیں مقامی ریسکیو ٹیموں نے بچایا۔
شدید سرد موسم کے باوجود پاکستان آرمی کی ریسکیو ٹیمیں ترکیہ میں اپنی امدادی کارروائیاں جاری رکھنے کیلئے پر عزم ہیں جبکہ ترک عوام پاک فوج کی خدمات کی معترف ہیں۔
