راولپنڈی : پاک فوج نےایل او سی پر بھارتی اشتعال انگیزی کا بھرپور جواب دیتےہوئے 4 بھارتی فوجی ہلاک اور2بھارتی چوکیاں تباہ کردیں۔
آئی ایس پی آرکی جانب سےجاری اعلامیے کےمطابق برہان وانی کی برسی پر بھارتی فوج نے ایل او سی کی خلاف ورزی کرتے ہوئے راولا کوٹ سیکٹر میں عام لوگوں کو نشانہ بنایا تھا جس کے نتیجے میں4 خواتین سمیت 5 افراد جاں بحق ہو گئے تھے۔
In utter failure to cap remembrance of Wani’s shahadat, Indian forces targeted innocent civ along LOC. Indian guns silenced effectively! pic.twitter.com/qOoAtVvCIg
— Maj Gen Asif Ghafoor (@OfficialDGISPR) July 9, 2017
آئی ایس پی آر کے مطابق پاک فوج نے بھارتی اشتعال انگیزی کا منہ توڑ جواب دیا،پاک فوج کی جوابی کارروائی میں 2 بھارتی چیک پوسٹیں تباہ اور4 بھارتی فوجی ہلاک ہوئے۔
آئی ایس پی آر کی جانب سے بھارتی چوکیوں کو تباہ کرنے کی ویڈیو بھی جاری کی گئی ہے۔
Pak Army stands by innocent civ population against unprovoked Indian CFVs & would cont to respond befittingly to this naked aggression. pic.twitter.com/E9anbYUlxa
— Maj Gen Asif Ghafoor (@OfficialDGISPR) July 9, 2017
یاد رہےکہ حریت رہنماؤں نے برہان وانی کی پہلی برسی کے موقع پر بھارت کے خلاف بھرپور احتجاج کا اعلان کیا تھا جس کے بعد مقبوضہ کشمیر میں کرفیو نافذ کرتے ہوئے حریت رہنماؤں کو نظربند و گرفتار کیا گیا تھا۔
برہان وانی و دیگر شہدا کی قربانی رائیگاں نہیں جائے گی: آرمی چیف
واضح رہےکہ 8 جون کو آرمی چیف جنرل قمر جاوید باجوہ کا کہنا تھاکہ کشمیریوں کو حق خوداردیت حاصل ہے۔ برہان وانی سمیت دیگر شہدا کی قربانیاں رائیگاں نہیں جائیں گی۔
