The news is by your side.

Advertisement

ماحولیاتی تبدیلیوں‌ کے اقدامات کا اعتراف، پاکستان اقوام متحدہ برائے ماحولیات کا نائب صدر منتختب

اسلام آباد: ماحولیات سے متعلق کاوشوں کا عالمی سطح پر اعتراف کیا گیا جس کے بعد پاکستان کو اقوامِ متحدہ کنونشن برائے ماحولیات کی نائب صدارت مل گئی۔

نمائندہ اے آر وائی نیوز عبدالقادر کے مطابق اسیپن میں اقوام متحدہ کے زیر اہتمام موسمیاتی تبدیلیوں سے متعلق کنونشن کا انعقاد کیا گیا جس میں تمام ممالک نے پاکستان کے کردار کو سراہا اور عالمی سطح پر اس کا اعتراف بھی کیا اور پھر پاکستان کو اقوامِ متحدہ کنونشن برائے ماحولیات کا نائب صدر منتخب کیا گیا۔

وزیر اعظم کے مشیر برائے ماحولیات ملک امین اسلم نے ملک کی نمائندگی کی۔ اے آر وائی نیوز سے خصوصی گفتگو کرتے ہوئے اُن کا کہنا تھا کہ پاکستان ایگزیکٹو بورڈ سمیت 6 اہم ترین کمیٹیوں کا ممبر ہوگا، عالمی سطح پر ہمیں اہم ذمہ داری سونپی گئی۔

انہوں نے بتایا کہ ہمیں ماحولیات کی عالمی کمیٹیوں کی نمائندگی بھی مل گئی، پاکستان کومتفقہ تمام ممالک کی جانب سےنائب صدرمنتخب کیاگیا، 6اہم ترین کمیٹیوں میں نامزدگی ہمارے لیے قابل فخرہے۔

ملک امین اسلم کا مزید کہنا تھا کہ ماحولیات سے متعلق معاملات اور فیصلہ سازی میں پاکستان کا مؤثر اور اہم کلیدی کردارہوگا۔

Comments

comments

یہ بھی پڑھیں